Ègrâs du Potèmkine

Cél articllo est ècrit en arpetan supradialèctâl / ORB lârge.

Cela pâge contint de caractèros cerilicos. En câs de problèmo, vêde Éde:Unicode ou ben èprovâd voutron navegator.

Los ègrâs du Potèmkine (Потьомкінські сходи, Pot’omkins’ki skhody en ucrènien, Потёмкинская лестница, Potiomkinskaya lestintsa en russo), asse-ben apelâs « ègrâs Richelieu »^{[1],[2],[3],[4]}, sont des ègrâs monumentâls que sè trôvont a Odèssa en Ucrèna miéjornâla, considèrâs coment l’entrâ oficièla de la vela por celi que vint de la mar, et pués reprèsentont son simbolo lo més ben cognu^[5].

Rapondont lo pôrt d’Odèssa que sè trôve a riva de la mar Nêre u bôrg dessus un platél qu’est a pou prés 30 mètros més hiôt.

Los ègrâs sont bâtis entre-mié 1837 et 1841 per l’engènior angllès Upton^[6] d’aprés los plans des arch·itèctos Francèsco Boffo (en) et Avram Mèlnikov (en).

Dêvont son renom a na scèna du filmo Lo Cuirassiê « Potèmkine » de Sèrguèyi Eisenstein, qu’y fut veriêe en 1925.

1. ↑ (en) « Prince Michael Vorontsov: Viceroy to the Tsar », McGill-Queen’s Press, 1965 (ISBN 0773507477), p. 616.
2. ↑ (en) Christopher M. Bell et Bruce A. Elleman, « Naval Mutinies of the Twentieth Century: An International Perspective », èdicions Routledge, 2003 (ISBN 0714654604)) pp. 18-25.
3. ↑ (en) Simon Sebag Montefiore, « The Prince of Princes: The Life of Potemkin », St. Martin’s Press, 2001, p. 498.
4. ↑ (en) Richard Woodman, « A Brief History Of Mutiny: A Brief History of Mutiny at Sea », Carroll & Graf Publishers, 2005 (ISBN 0786715677), p. 223.
5. ↑ (en) Patricia Herlihy, « Odessa: A History, 1794-1914 », Harvard University Press, 1987 (ISBN 0916458156), p. 140.
6. ↑ (en) Anna Reid, « Borderland: A Journey Through the History of Ukraine », Westview Press, 2000 (ISBN 0813337925), p. 61.