Tabarka

Tabarka
municipality of Tunisia (en)
Irudi gehiago
Administrazioa
Herrialdea	Tunisia
Probintzia	Jendouba
Izen ofiziala	طبرقة
Posta kodea	8110
Geografia
Koordenatuak	36°57′18″N 8°45′18″E / 36.955°N 8.755°E / 36.955; 8.755
Altuera	5 m
Demografia
Biztanleria	17.425
Informazio gehigarria
Hiri senidetuak	Fréjus eta Wuppertal

Tabarka^[1] (arabieraz: طبرقة‎; fenizieraz: Tabarka) Tunisiako ipar-mendebaldeko hiri bat da, Jendouba probintziakoa.

Uhartetxo bat du parean, kostaldetik 400 metrora, hiriaren izen berekoa. 40 hektarea besterik ez du. Koral arrantzaleen liguriar komunitate bat bizi izan zen han, 16. eta 18. mendeen artean: tabarkino mintzairaren komunitatea, gerora handik halabeharrez migratu zuena.

1540an, Liguriako Pegli herriko koral-arrantzaleak kokatu ziren Tabarka uhartean, Karlos V.a enperadoreak Lomellini familiari emaniko lurraldean. Beraien mintzaira, ligurieraren aldaera, uhartean ezarri zen honela. 18. mendera arte, komunitate hau bertan garatu zen eta hizkuntzari tabarkino izena eman zitzaion.

1741ean Tunisiako beyak uhartea bereganatu zuen. Orduan esklabo bihurtu ziren biztanleak, Sardiniako Karlos Emanuel III.ak biztanle horien parte bat erreskatatu eta Sardiniako San Pietro uhartera eraman zituen arte, non Carloforte herrian kokatu ziren. Beste esklabo multzo bat Aljerreko beyari laga zizkioten, eta hauek Espainiako Karlos III.ak erreskatatu zituen ordainketa bidez, eta ezarri zituen Tabarca Nueva izendatutako uhartean, iberiar penintsulako ekialdeko kostaldean dagoen egungo Tabarkan. Populazioaren beste zati bat Tunisian zehar finkatu zen, 1770. urtean Carloforteko Giovanni Porcilek Sant'Antioco uhartera joatera gonbidatu zituen arte. Etorkin horiek bertan sortu zuten Calasetta, justu San Pietroko beste komunitatearen ondoan. Bertan iraun du tabarkinoak 21. mendera arte.

Tunisian tabarkinoaren erabilera XX. mendearen hasiera arte mantendu zen. Frantziaren kolonizazioa ezarri zenean, tabarkino gehienek nazionalitatez frantses bilakatzea erabaki zuten eta haien ondorengoak Frantzian bizi dira 21. mendean. Tabarka hirian, berriz, 18. mendetik tunisiar arabiarrak dira nagusi.

Artikulu hau Tunisiako geografiari buruzko zirriborroa da. Wikipedia lagun dezakezu edukia osatuz.