Michelle Gisin

Michelle Gisin
	; Irudi gehiago
Bizitza
Jaiotza	Samedan, 1993ko abenduaren 5a (30 urte)
Herrialdea	Suitza
Lehen hizkuntza	alemana
Familia
Bikotekidea(k)	ikusi Luca De Aliprandini;
Haurrideak	ikusi Dominique Gisin (en) ; Marc Gisin (en) ;
Hezkuntza
Hizkuntzak	alemana
Jarduerak
Jarduerak	eskiatzaile alpinoa
	Parte-hartzailea 2014ko Neguko Olinpiar Jokoak ; 2018ko Neguko Olinpiar Jokoak ;
Pisua	70 kilogramo
Altuera	175 zentimetro
	michellegisin.ch

Michelle Géraldine Gisin (Samedan, 1993ko abenduaren 5a) eskiatzaile suitzarra da. Neguko Olinpiar Jokoetan birritan izan da txapeldun olinpikoa Alpetar eskiko proba konbinatuan.

Ibilbidea

2014ko Sotxiko Jokoetan txapeldun izan zen Dominique Gisin eskiatzailearen ahizpa gaztea da. Marc Gisin anaia ere eskiatzaile olinpikoa da^[1].

Michelle Gisin 2008-2009 denboraldian hasi zen nazioartean lehiatzen, 15 urte zituela. 2010ko urtarrilean esate baterako Europako Kopan aritu zen St-Moritzen^[2]. Eskiatzaile suitzarraren lehenengo garaipenak gazte mailako Suitzako txaelketatan izan ziren 2011 eta 2012an. 2013ko Munduko Gazte mailako txapelketan zilarrezko domina eskuratu zuen eslalomean^[1]. 2014ko Sotxiko Jokoetan parte hartu zuen Dominique ahizparekin batera eta 28. postuan sailkatu zen eslalomean.

2017ko Munduko txapelketan bigarren egin zuen konbinatuan eta 2018ko Pyeongchangeko Jokoetan txapelduna izan zen^[3].

2022ko Pekingo Jokoetan konbinatuko txapela berritu zuen^[4] eta horretaz gain Super-G proban brontzezko domina eskuratu zuen^[5].

Txapelketak

Neguko Olinpiar Jokoak
Urtea	Lekua	Domina	Proba
2018	Pyeongchang ( Hego Korea)	01 !	Konbinatua
2022	Pekin ( Txina)	01 !	Konbinatua
2022	Pekin ( Txina)	03 !	Super-G
Munduko txapelketak
Urtea	Lekua	Domina	Proba
2017	Saint-Moritz ( Suitza)	02 !	Konbinatua
2021	Cortina d'Ampezzo ( Italia)	03 !	Konbinatua
Munduko txapelketak (Gazte mailan)
Urtea	Lekua	Domina	Proba
2013	Mont St. Anne ( Kanada)	02 !	Eslaloma