Merzak Allouache
| Merzak Allouache | |
|---|---|
 | |
| Bizitza | |
| Jaiotza | Aljer, 1944ko urriaren 6a (80 urte) |
| Herrialdea |  Aljeria  Frantzia |
| Hezkuntza | |
| Heziketa | Institut des hautes études cinématographiques (en)  |
| Hizkuntzak | frantsesa |
| Jarduerak | |
| Jarduerak | film-zuzendaria, gidoilaria, idazlea eta errealizadorea |
| Lantokia(k) | Aljeria |
    | |
Merzak Allouache (Aljer, Aljeria, 1944 -) aljeriar zinema-zuzendaria da.
Biografia
[aldatu | aldatu iturburu kodea]Aljerren eta Parisen ikasi zuen, eta denboraldi batean Frantziako ORTF telebista-erakundeko hainbat administrazio-kargutan lan egin zuen, bere herrialdera itzuli baino lehen.
Molde instituzionaleko dokumental batzuk (besteak beste, Al-buhali, 1967; Les plages, 1968; eta Nous et la révolution agraire, 1973, film laburrak) egin ostean, zinema profesionalean hasita, berehala zuzendu zuen bere lehen filma, Omar Gatlato (1976), Aljeriako zinema berriaren eta, oro har, zinema arabiarrean ernatzen ari ziren joera berritzaileen mugarria, umore garratza ezaugarritzat duen filma.
Hurrengoak, Mughamarat batal, Godarden eragin nabarmena du. Hurrengo filmean (1929, Rayulun wa nafafiz) liburuzain apal batek jasaten duen erotasunari buruzko deskribapen bikaina egiten du. Magrebeko bikote gazte batek Frantzian dituen errealitate eta itxaropenei buruzko Un amour à Paris filmak hasierako Allouache ironikoa itzultzen digu berriro, baina oso emaitza eskasarekin. Bab El-Oued City eta Kaixo, lehengusu! filmek, aldiz, 1990eko hamarkadako Aljeriari buruzko diptiko bikaina osatzen dute.
1996. urtean Salut cousin! filma Oscar Sarietan aurkeztua izan zen ingelesez besteko film onena sailean. Fikziozko Alger-Beyrouth, pour mémoire film luzean (1998) nabarmenki aurreikusteko moduan aztertzen du, berriki izandako hainbat eta hainbat iskanbilaren ondoren, mundu arabiarrean dagoen ezinegona.
Filmografia hautatua
[aldatu | aldatu iturburu kodea]- Omar Gatlato (1976)
- Mughamarat batal (1979)
- Homme qui regardait les fenêtres, L' (1986)
- Un amour à Paris (1987)
- Après-Octobre, L' (1989)
- Bab El-Oued City (1994)
- Lumière et compagnie (1995)
- Dans la décapotable (1996)
- Salut cousin! (1996)
- Alger-Beyrouth: Pour mémoire (1998)
- À bicyclette (2001)
- Autre monde, L' (2001)
- Chouchou (2003)
- Bab el web (2005)
- Tamanrasset (2008)
- Harragas (2009)
- Tata Bakhta (2010)
- La baie d'Alger (2011)
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
