Jenny Saville

Jenny Saville
Bizitza
Jaiotza	Cambridge, 1970eko maiatzaren 7a (54 urte)
Herrialdea	Erresuma Batua
Hezkuntza
Heziketa	Slade School of Fine Art (en) ; University of Cincinnati (en) ; Glasgow School of Art (en)
Hizkuntzak	ingelesa
Jarduerak
Jarduerak	margolaria eta argazkilaria
Lantokia(k)	Palermo; Glasgow; Londres eta Cincinnati
Kidetza	Royal Academy of Arts
Mugimendua	Young British Artists (en)
Genero artistikoa	biluzia

Jenny Saville (Cambridge, Erresuma Batua, 1970) margolari ingelesa da, Young British Artists taldeko kidea. Batez ere emakume biluzien margolan monumentalengatik da ezaguna. Gaur egun Londres eta Palermo artean bizi eta lan egiten du. 2018ko urrian, historiako artista bizirik garestiena bihurtu zen enkante batean.^[1]^[2]^[3]

Biografia

Glasgow School of Art-en ikasi zuen (1988-1992), eta sei hilabeteko beka bat eman zitzaion Cincinnatiko Unibertsitaterako. Ikasketak Slade School Of Fine Art-en amaitu zituen (1992-1993). Ikasketak amaitzean, Charles Saatchi bildumagileari interesatu zitzaion bere lana, eta hark hurrengo bi urteetan egingo zuen obra osoa erosi zion.

Margolari ibilbidea

Savillek olio-pinturaren teknika tradizionalaren barruan garatu du bere ibilbidea, 1950eko eta 1960ko Figurazio Berriaren oinordeko den estilo figuratiboan, Rubens eta Lucian Freuden eraginez. 1992an debutatu zuenetik, emakumearen gorputzean oinarritu da gaia, eskala handiko pinturetan, oso ohikoak ez diren ikuspegietatik ikusten diren irudietan. Horietan, gorputzek haragizko mendiak dirudite, eta badirudi espazio osoa betetzen dutela. Hala, eremu genitalak erakusten dituzte, edo azalaren inperfekzioak eta zauriak, kolore distiratsuak, biziak, orbanez jarriak, eta tonu gorriak eta marroiak nagusitzen dira. Oro har, gorputz lodiak dira — askotan bere burua autoerretratatzen du —, eta haragiak tolesturak eta zimurrak eratzen ditu, haur batek heldu bati buruz duen ikuspegia diruditen forma monumentalekin. Courbetek eta Velazquezek inspiratuta, emakume erreala pintatzen du, gaur egun, inolako idealizaziorik gabe, edertasuna bilatu gabe, egia baino ez du bilatzen, eta —berak esaten duenez— «gorputzeko paisaiak» egiten ditu. ^[4]

2018ko urrian, Sotheby 's enkante etxeak Propped (Lagundua) saldu zuen 10,8 milioi euroren truke, artista bizi batek egindako obra batengaitik inoiz ordaindu den preziorik altuena (enkantean)^[1]

Lanak

Hauexek dira bere lan batzuk:^[5]

Erreferentziak

↑ ^a ^b Riaño, Peio H.. (9 de octubre de 2018). Jenny Saville, la verdadera víctima de la provocación de Banksy. ISSN 1134-6582..
↑ ISSN https://www.ttamayo.com/2017/04/la-pintura-jenny-saville/..
↑ ISSN https://www.mujerhoy.com/actualidad/201903/27/jenny-saville-pintora-britanica-cuadros-mujeres-desnudos-rev-20190327075148.html..
↑ Suzie Mackenzie. Debajo de la piel. .
↑ ISSN https://www.alejandradeargos.com/index.php/es/completas/32-artistas/41957-jenny-saville-biografia-obras-y-exposiciones..

Kanpo estekak

Datuak: Q441461
Multimedia: Jenny Saville / Q441461

[:0-1] Riaño, Peio H.. (9 de octubre de 2018). Jenny Saville, la verdadera víctima de la provocación de Banksy. ISSN 1134-6582..

[2] ISSN https://www.ttamayo.com/2017/04/la-pintura-jenny-saville/..

[3] ISSN https://www.mujerhoy.com/actualidad/201903/27/jenny-saville-pintora-britanica-cuadros-mujeres-desnudos-rev-20190327075148.html..

[4] Suzie Mackenzie. Debajo de la piel. .

[5] ISSN https://www.alejandradeargos.com/index.php/es/completas/32-artistas/41957-jenny-saville-biografia-obras-y-exposiciones..

[1]

[2]

[3]

[4]

[5]