Egidio

Egidio
Magister militum
Bizitza
Jaiotza	Lugdunum, V. mendea
Herrialdea	Antzinako Erroma
Heriotza	Augusta Suessionum (en) , 464 (egutegi gregorianoa) ( urte)
Hobiratze lekua	Augusta Suessionum (en)
Familia
Seme-alabak	ikusi Siagrio
Jarduerak
Jarduerak	politikaria
Zerbitzu militarra
Gradua	Magister militum
Parte hartutako gatazkak	Battle of Arelate (en)

Egidio (??? - 464) jeneral erromatarra izan zen.

Ez dago batere garbi Egidio zer urtetan jaio zen. Galiako ipar zatiaren defentsa antolatu zuen erromatar jenerala izan zen. Hasiera batean Avito enperadorean zerbitzuan egon zen, eta ondoren Galiako agintari militar izendatu zuten. Maioriano enperadoreak, Galia bere onera itzultzeko misioa eman zion. Probintzia horretan, Maiorianok ez zuen izan Avitok izan zuen besteko ospe ona.

Frankotar bere elkarkideekin, Lyon herria berreskuratu zuen, Maiorianoren agintealdian, burgundiarrei eman ondoren, Arlesen gertatu zen bisigodotarren aurkako gudu baten ondoren. Horrela, Teodoriko II.a, bisigodotarren erregea, hauen eta Mendebaldeko Inperioren arteko elkarkidetza berriztatzera behartuz.

461. urtean, Rizimerok, Maioriano akabatzea agindu zuen, Libio Severo enperadore berri izendatuz. Egidiok ez zuen enperadore berria onartu, eta bere burua independente izendatu zuen Galiako iparraldean. Ondorioz, burgundiarrek, Lyon eta Saona ibaiaren ibarra berreskuratu zituzten, horrela, Egidio, Galiaren hegoaldetik baztertuz.

Egidiok bere kontura jarraitu zuen bisigodoen aurkako borroka, hauei, Orleansko guduan, 463. urtean irabaziz. Beharbada, Angersen ere borrokatu zuen, saxoiarren aurka.

Edozein kasutan, Egidiok, galiar-erromatar aristokraziak gobernaturiko lurralde bat sortu zuen Loira eta Somme ibaien artean. Beharbada, bere agintea galdu zuen frankotarren artean, hauek izan baitziren agintaritzat aukeratu zutenak urte batzuk lehenago.

464. urtean hil zen, edo, beharbada, 465. urtearen hasieran, lurralde haren agintea bere seme sen Siagriori utziz, beharbada, Pablo kontearen laguntzaz Loira inguruan. Siagriok agintari gisa jarraitu zuen 486. urte arte, Klovis I.a frankotarren erregearen aurka Soissonsen gertatu zen gudua galdu zuen arte.

Egidiok, 457. urtetik 464. urterarte gobernatu zuen Soissonseko erreinua.

• Soissonseko erreinua