Enrique García Asensio

Enrique García Asensio
	;
Bizitza
Jaiotza	Valentzia, 1937ko abuztuaren 22a (87 urte)
Herrialdea	Espainia
Hezkuntza
Heziketa	Accademia Musicale Chigiana (en) ; Hochschule für Musik und Theater München
Hizkuntzak	gaztelania
Jarduerak
Jarduerak	orkestra zuzendaria, musikologoa, fiddler (en) eta musikagilea
Enplegatzailea(k)	Madrilgo Goi Mailako Errege-Musika Kontserbatorioa
Genero artistikoa	musika klasikoa
	garciaasensio.com

Enrique García Asensio (Valentzia, Espainia, 1937ko abuztuaren 22a) espainiar orkestra-zuzendaria da.

Bizitza

Madrilgo Kontserbatorioan egin zituen ikasketak, eta hiri hartako unibertsitateko orkestra-zuzendari titular izan zen. Zuzendaritza-ikasketak Municheko Goi Mailako Eskolan osatu zituen, Lessingekin, eta Sienako Academia Chigianan, Celibidacherekin. RAI etxeak ematen duen Zuzendaritza Saria irabazi zuen 1962an, eta hurrengo urtean lortu zuen Sienako Akademiaren saria.

Las Palmasko Orkestra Filarmonikoko zuzendari titularra izan zen, eta orobat izan zen hiri hartako Kontserbatorioko zuzendaria. 1967an, New Yorkeko Mitropoulos saria eman zioten, eta Washingtongo Orkestra Sinfonikoko zuzendari-laguntzailea izan zen. 1966tik 1984ra, Radio Televisión Españolaren orkestra filarmonikoaren zuzendari titularra izan zen.

Garrantzi handiko lana egin du, orobat, Madrilgo Kontserbatorioan (hango katedraduna da 1970az gero), eta Dominikar Errepublikako Orkestra Sinfoniko Nazionalak antolatzen dituen orkestra-zuzendaritzako nazioarteko ikastaroetan. Mundu guztian zehar zuzendu ditu kontzertuak, eta zenbait egile espainiarren lanak estreinatu ditu, García Abrilenak, besteak beste.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Gaztelaniaz) Enrique García Asensioren webgunea

Datuak: Q1230559