Daniel Tsui

Daniel Tsui
Irudi gehiago
Bizitza
Jaiotza	Baofeng County (en) , 1939ko otsailaren 28a (85 urte)
Herrialdea	Ameriketako Estatu Batuak
Bizilekua	New Jersey (mul)
Hezkuntza
Heziketa	Chicagoko Unibertsitatea 1967) Doktoretza : fisika Pui Ching Middle School (en) Bostongo Unibertsitatea Augustana College (en) Clementi Secondary School (en)
Hizkuntzak	ingelesa
Jarduerak
Jarduerak	fisikaria eta unibertsitateko irakaslea
Enplegatzailea(k)	Princetongo Unibertsitatea
Jasotako sariak	ikusi Fisikako Nobel Saria  (1998) Benjamin Franklin domina  (1998) Oliver E. Buckley Condensed Matter Prize  (1984) Fellow of the American Physical Society Fellow of the American Association for the Advancement of Science honorary doctor of the University of Hong Kong honorary doctor of the Peking University  (2012) honorary doctor of the Chinese University of Hong Kong Great Immigrants Award  (2009)
Kidetza	Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Ingeniaritzako Akademia Nazionala Phi Beta Kappa Elkartea Txinako Zientzien Akademia Zientziak Aurrera Egiteko Elkarte Amerikarra Ameriketako Fisika Elkartea Akademia Sinikoa

Daniel Chee Tsui (txinera tradizionalez: 崔琦; pinyinez: Cuī Qí; Henan, Txina, 1939ko otsailaren 28a) estatubatuar fisikaria da. Fisikako Nobel Saria (1998), Hall efektu kuantiko zatikizkoaren aurkikuntzagatik. Chicagoko Unibertsitatean egin zituen ikasketak. Ikasketak amaituta (1967), ikertzaile-laguntzaile gisa hasi zen lanean. Urtebete geroago, Bell laborategietako talde teknikoan sartu zen, eta tresna mikroskopikoen portaera elektrikoa aztertu zuen. 1982an, H. L. Störmerrekin batera, garrantzi handiko aurkikuntza egin zuen: bi dimentsioko zenbait sistema erdieroaleek elektroiak plano batean bilduta izan, eta indar handiko eremu magnetikoen eta Kelvin eskalako zero graduko tenperaturen mendean daudenek agertzen duten Hall efektu kuantikoa elektroiaren karga elektrikoaren zati baten adinakoa dela. Portaera berezi hori urtebete geroago azaldu zuen R. B. Laughlinek, modu teorikoan, supereroankortasun eta superjariakortasun efektuenaren antzeko kondentsazio kuantikoko gertaera batean oinarrituz. Urte horretan bertan Princetoneko Unibertsitatera deitu zuten, ingeniaritza elektrikoko sailean lan egitera. Jaso dituen sari eta aipamenen artean, aipagarriak dira, besteak beste, materia kondentsatuaren Fisikako Buckley domina (1984), Fisikako Benjamin Franklin domina (1988), eta 1988ko Fisikako Nobel Saria, Störmer eta Laughlinekin banatua.