Astelehen Zibernetikoa

Astelehen Zibernetikoa (ingelesez, Cyber Monday) Thanksgiving Day edo Esker Oneko Egunaren ondorengo astelehenean ospatzen da.

AEBtan du jatorria. Ostiral Beltza egunean AEBko saltokietan ilara eta jendetza zegoelaz ohartuta, astelehenean eskaintzak sarean egitea erabaki zuen Shop.org webguneak 2006an, eta harez geroztik, zabaldu egin zen Ameriketako Estatu Batuetan. Espainiako Estatuan oso denbora gutxi igaro da dendak ohitura honekin bat egin zutenetik^[1].

Amazon, Media Markt, Decathlon, El Corte Inglés eta Grupo Cortefiel taldeek eskaintzak egin zituzten euren webguneetan. Halaber, eDay webguneak eta KLM, Airfrance, Kiabi, Fnac, Desigual, Conforama, Asos, Kiehl's, El Ganso, Microsoft, Textura, Leksport, Famosa, C&A, HP eta Toys'R'us taldeek ere egin dituzte euren eskaintzak^[1].