Somera Olimpiko 1904

Ĉi tiu artikolo pri sporto citas neniun fonton. Vi povas plibonigi ĝin, aldonante fidindajn fontojn. Senfontaj asertoj povas esti forigitaj. (Februaro 2011)

La 3-a Somera Olimpiko (aŭ Someraj Olimpiaj Ludoj) okazis de la 1-a de julio 1904 ĝis la 23-a de novembro 1904 en Sankta Luiso,  Usono. La Somera Olimpiko estis oficiale malfermata de David Francis.

III Olimpiko
Loko:	Sankta Luiso ( Usono)
Komenca dato:	La 1-a de julio 1904
Fina dato:	La 23-a de novembro 1904
Oficiala malfermanto:	David Francis
Nombro de nacioj:	12
Nombro de sportistoj: (viroj / inoj)	651 (645 / 6)
Nombroj de sportoj:	91 (17 sportfakoj) akvosportoj, arkpafado, atletiko, korbopilkado, bokso, biciklado, skermo, futbalo, golfo, gimnastiko, kanada bastonludo, rokeo, remado, teniso, ŝnurtira lukto, halterlevo, lukto
Aliaj kandidatoj:	Ĉikago ( Usono) Ilinojso ( Usono)
Somera olimpiko
← 1900	1908 →
v • d • r

Streĉiĝoj kaŭzitaj de la Rusa-Japana Milito kaj malfacilaĵoj en vojaĝado al Sankta Luiso rezultigis tre malmultajn altklasajn atletojn de ekster Usono kaj Kanado partoprenantaj en la olimpiko de 1904. Nur 62 el la 651 atletoj kiuj konkuris venis de ekster Nordameriko, kaj nur inter 12 kaj 15 nacioj estis reprezentitaj entute: malfacilas eĉ klare difini ŝtatanecojn de iuj sportistoj, ĉar multaj neusonanoj estis novalvenintaj enmigrintoj en Usonon, parte post malmultaj jaroj da laborado en Usono post la olimpiko revenis al siaj originaj landoj, sed en unuaj statistikoj pro la momenta aparteno al usona sporta klubo konsideriĝis kiel usonanoj. Aliflanke tamen ankaŭ iuj usonanoj pro familiaj radikoj en alia lando aŭ pro simpla simpatio al tiu lando neserioze nomis sin ano de tiu lando. Kelkaj okazaĵoj poste kombinis la usonan nacian ĉampionecon kun la olimpika ĉampioneco. La nuna tri-medala formato de oro, arĝento kaj bronzo por unua, dua kaj tria loko estis lanĉita ĉe la olimpiko de 1904.