Schwarzenburg

La komunumo Schwarzenburg situas 15 kilometrojn sudsudokcidente de la federacia urbo ĉe la bordo de la rivero Sense, kaj estas la ekonomia kaj kultura centro de la regiono Schwarzenburgerland, kiu ĝis la 31-a de januaro 2009 estis distrikto de Kantono Berno. Ekde la 1-a de januaro 2011 la iama distrikto Schwarzenburg estis integrita al la nova administra distrikto Berno-Mezlando. La komunumo konsistas el la kvin vilaĝoj Albligen, Lanzenhäusern, Milken, Mamishaus, Schönentannen, Steinenbrünnen, Steinhaus, Schwarzenburg, Wagerten kaj Wahlern, kaj tuta serio da pliaj biengrupoj kaj izolitaj bienoj.

La teritorio de la komunumo etendiĝas sur areo de 44,79 km², de kiuj 27,9% estas kovritaj de arbaro, 62,2% servas por agrikulturo kaj 7,8% por setlado. ^[1]

La komunumo Schwarezburg limas en nordo al Köniz, en nordoriento al Oberbalm, en oriento al Rüeggisberg, en sudoriento al Rüschegg, en sudo al Guggisberg, en sudsudokcidento al Alterswil (FR), en sudokcidento al Sankt-Antoni (FR), en nordokcidento al Heitenried (FR), kaj en nordnordokcidento al Ueberstorf (FR).

Tra Schwarzenburg pasas la kantona ĉefvojo n-ro 183 de Friburgo al Kirchenthurnen, kiu en la centro de Schwarzenburg unuiĝas kun la kantona ĉefvojo nr-o 232 de Schwarzenburg al Berno. De Schwarzenburg la Berno-Schwarzenburg-Fervojo, kiu hodiaŭ apartenas al la kompanio Berno-Lötschberg-Sempinono-Fervojo kondukas la Berno. Ĝin servas la regiona trajnlinio S6 en duonhora kadenco. De la stacidomo de Schwarzenburg diversaj poŝtaŭtolinioj kondukas al la ĉirkaŭaj vilaĝoj.

La unua dokumenta mencio de Schwarzenburg datiĝas el la jaro 1025 kiel Suarcenburc. Ĝis la 31-a de decembro 2011 Schwarzenburg estis kvartalkomunumo de la komunumo Wahlern. Kun efiko de la 1-a de januaro 2012 Wahlern kaj Albligen estis kunigitaj al la nova komunumo Schwarzenburg. Jam dum mezepoko Schwarzenburg estis la centro de la paroĥo kaj merkatoloko, kiu en la 16-a jarcento de la Grafoj de Savojo ricevis la rajton organizi tri jarajn merkatojn. La Kastelo Schwarzenburg ĝis la 31-a de decembro 2009 estis la sidejo de la administracio de la distrikto Schwarzenburg, kies ĉefloko Schwarzenburg estis. ^[2]

•  
  Vilaĝeniro de Mamishaus
•  
  Mamsihaus
•  
  Vilaĝeniro de Schönentannen
•  
  Schönentannen vidita de la poŝtaŭohaltejo de Mamishaus
•  
  Lernejo de Steinhaus
•  
  Stacidomo de Lanzenhäusern
•  
  Preĝejo de Albligen
•  
  La vilaĝo Wahlern

• Schwarzenburg (distrikto)
• Schwarzenburg (stacidomo)
• Lanzenhäusern (stacidomo)
• Schwarzwasserbrücke (stacidomo)

• Oficiala retejo de la komunumo Schwarzenburg