Latur

Latur situas en altebenaĵo en alto 636 metrojn super la marnivelo. Udgir troviĝas 56, Osmanabad 61, Bid 109, Bidar 113, Nanded 115, Pimpri-Ĉinĉvad 294, subŝtata ĉefurbo Mumbajo 401, tutlanda ĉefurbo Delhio 1140, Kolkato 1312 kilometrojn (aere) [1].

Latur havis populacion de 396 955 en 2011.

 

La konata historio de Latur komenciĝis en la 8-a jarcento. Tiu loko estis regita fare de pluraj dinastioj, inter ili menciindas la Mogola Imperio. Fine la britoj konkeris la areon. Ekde 1960 Latur estis distrikta sidejo. En 1993 la urbego preskaŭ estis plene detruita per sismo. La tertremo kaŭzis proksimume dek mil mortojn kaj tridek mil vundojn. En la 2010-aj jaroj en la urbego la akvo elĉerpigis pro sekeco.

Latur estis agrikultura urbo, la industrio graviĝis depost 1960. En la ĉirkaŭaĵo oni okupiĝas pri sukerkanoj, sojfaboj, vinberoj kaj mangoj. Enurbe okazas la prilaborado. Latur havas la plej grandan komercan centron por sojfabo en Barato.

La oficiala lingvo estas la marata lingvo parolata de 62%, ankaŭ la ĉefa lingvo por la ĉiutaga komunikado. La urdua (18%) kaj la hinda (9%) lingvoj ankaŭ estas vaste parolitaj.

En Latur vivas majoritate hinduoj 70%, krome minoritate islamanoj 24%, budhanoj 5%, ĝainistoj 0,8%, kristanoj 0,2%.

Latur situas en varma semi-arida klimato laŭ klimata klasifiko de Köppen (BSh). Jare pluvas po 725 mm. En ĉiuj monatoj pluvas, tamen inter junio-septembro pli ofte pluvas (pro la musono), dum inter novembro-aprilo apenaŭ pluvas. La meza ĉiujara temperaturo varias inter 13-41 °C.

 

Pro la multe da altlernejoj Latur estas signifa instrua centro.

Latur havas trairan fervojan linion. Al la urbego alvenas almenaŭ 6 ĉefvojoj el ĉiuj direktoj. Multe da aŭtorikiŝoj funkcias en la urbego, sed ankaŭ aŭtobusoj trafikas enurbe. Malgranda flughaveno troviĝas 12 kilometrojn for, eble sen pasaĝera trafiko.

• pluraj preĝejoj, plej ofte hinduaj temploj
• fortikaĵo
• parkoj
• teatrejo

• WikiTrans