Hodiaŭ

Hodiaŭ
Aliaj projektoj
Hodiaŭ en Vikipedio

Hodiaŭ estas la nuna tago; la tago post hieraŭ kaj la tago antaŭ morgaŭ.

	« Hodiaŭ estas la unua tago de via cetera vivo. » — Atribuite al Charles Dederich

	« La agoj de hodiaŭ fariĝas la precedencoj de morgaŭ. » — F. Herschell

	« Hieraŭ pasis. Morgaŭ estas nur sonĝo. Hodiaŭ estas donaco, amu ĉiun momenton. » — Femi Obikunle kaj Jeff Kister

	« Profitu hodiaŭ; fidu morgaŭ kiel eble plej malmulte. » — Horacio

	« La eraro de la maljunulo estas, ke li provas juĝi hodiaŭ laŭ la kriterioj de hieraŭ. » — Epikteto

	« La hodiaŭa lingvo ne estas pli malbona ol hieraŭ. Ĝi estas pli praktika. Kiel la mondo en kiu ni vivas. » — Noam Chomsky

	« Politikistoj kaj ĵurnalistoj dividas la malĝojan sorton devi paroli hodiaŭ pri aferoj, kiujn ĝis morgaŭ ili ne plene komprenos. » — Helmut Schmidt

	« Vi devas celi alte, ne pri tio, kion vi faros en iu estonta dato, sed pri tio, kion vi mem faros hodiaŭ. Alie labori estas nur tempoperdo. » — Edgar Degas

	« Neniam faru hodiaŭ, kion vi povas prokrasti ĝis morgaŭ. Malfruo eble pli klare lumigos tion, kio estas plej bone farenda. »   « (angle) Never do today what you can put off till tomorrow. Delay may give clearer light as to what is best to be done. » — Aaron Burr

	« La pasinteco estas tio, kio provizas nin per la konstruaj blokoj. Nia tasko hodiaŭ estas krei novajn konstruaĵojn el ili. »   « (angle) The past is what provides us with the building blocks. Our job today is to create new buildings out of them. » — Teodore Zeldin

	« Ĉio, kion poeto povas fari hodiaŭ, estas averti. Tial la veraj poetoj devas esti realismaj. »   « (angle) All a poet can do today is warn. That is why the true Poets must be truthful. » — Wilfred Owen

	« Neniu estas tiel maljuna, ke li ne povas vivi unu jaron, nek li estas tiel juna, ke li ne povas morti hodiaŭ. »

	« Ne prokrastu ĝis morgaŭ kion vi povas fari hodiaŭ. »

Pliaj citaĵoj ĉe Zamenhofa proverbaro.

	« Beleco hodiaŭ estas, morgaŭ ne restas. » — Zamenhofa proverbaro

	« Feliĉo hodiaŭ karesas, morgaŭ forgesas. » — Zamenhofa proverbaro

	« Ne bedaŭru hieraŭan, ne atendu morgaŭan, ne forlasu hodiaŭan. » — Zamenhofa proverbaro

Misatribuitaj

[redakti]

	« Oogway: Hieraŭ estas historio, morgaŭ estas mistero, sed hodiaŭ estas donaco. Tial ĝi estas nomata "donaco".[1] » — Jonathan Aibel kaj Glen Berger, Kung Fu Panda, (2008)