Vestfold ("Okcidenta Fold") ĝis la fino de 2019 estis provinco de orienta Norvegio, lime de Buskerud kaj Telemark. En 2019 en ĝi loĝis 251 078 homoj, aŭ 4,7 % de la totala loĝantaro de Norvegio. La areo estas 2 224 kvadrataj kilometroj. La administra centro estas la urbo Tønsberg. Ekde la komenco de 2020 ĝi kun la antaŭe najbara provinco Telemark konsistigis novan provincon Vestfold og Telemark, sed ĉar en la loka loĝantaro mankis subteno pri la unuigita administra unuo, post multaj ardaj diskutoj la 31-an de decembro 2023 la nova provinco ĉesis ekzisti. La malnovaj provincoj Telemark kaj Vestfold estis reestablitaj la 1-an de januaro 2024.
Vikimedia Komunejo: Vestfold [+]
