Tomíkovice

Tomíkovice
germane Domsdorf
vilaĝo
Monumento al viktimoj de la 1-a mondmilito
Oficiala nomo: Tomíkovice
Ŝtato	Ĉeĥio
Regiono	Regiono Olomouc
Distrikto	Distrikto Jeseník
Administra municipo	Žulová
Historiaj regionoj	Silezio, Sudetio
Montaro	Žulova montetaro
Transporto	Fervojlinio 295
Domoj	84 2010
Rojo	Vidnavka
Situo	Tomíkovice
- alteco	326 m s. m.
- koordinatoj	50° 19′ 55″ N 17° 06′ 32″ O / 50.33194 °N, 17.10889 °O / 50.33194; 17.10889 (mapo)
Katastro	6,12 km² (612 ha) Tomíkovice
Loĝantaro	163 (2021)
Denseco	26,63 loĝ./km²
Unua skribmencio	1291
Horzono	MET (UTC+1)
- somera tempo	MET (UTC+2)
Poŝtkodo	790 56
Situo enkadre de Ĉeĥio
Vikimedia Komunejo: Tomíkovice
Portalo pri Ĉeĥio

Tomíkovice (germane Domsdorf) estas vilaĝo en Ĉeĥio, loka parto de urbo Žulová. Ĝi troviĝas proksimume 2 km norde de Žulová laŭlonge laŭ ŝoseo al Vidnava, sur malsupra fluo de rojo Skorošický potok antaŭ enfluejo ĝis rivereto Vidnavka. Vivas ĉi tie 163 loĝantoj (2021).

Tomíkovice estas ankaŭ nomo de katastra teritorio kun areo 6,12 km².

Tomíkovice estas unuafoje menciata en la jaro 1291 en fonto rilatanta al jaroj 1266-1268. Ĝi estiĝis en paso de tiama koloniigo de regiono ĉirkaŭ Jeseník fare de vroclavaj episkopoj kaj ĝi estas nomita verŝajne laŭ sia lokumisto de nomo Tomáš aŭ alie Tomík. La latina (Dominici villa) kaj la germana (Dominiksdorf, Domsdorf) nomoj evidente ne estas devenaj. En lokoj de Tomíkovice estas al la jaro 1284 menciita ankaŭ vilaĝo Hlinná (Glinna), kiu verŝajne pli poste unuiĝis kun Tomíkovice.

Tomíkovice estis ekde fino de la patrimonia administrado en la jaro 1850 memstara municipo ĝis la jaro 1960, kiam ĝi estis alligita al Skorošice. Komune kun Skorošice ĝi fariĝis ekde la 1-a de januaro 1976 konsisto de Žulová. Skorošice en la jaro 1990 denove memstariĝis de ĝi, sed Tomíkovice restis ĉe Žulová.

Al Tomíkovice apartenas ankaŭ malgranda domaro Žlíbek (ger. Schlippengrund aŭ nur Schlippe), estiĝinta fine de la 18-a jarcento ĉe muelejo de Schlippe sur rivereto Vidnavka. Komence de la 19-a jarcento estis en ĝi kvin domoj.

Tomíkovice post Munkena interkonsento estis alligita al Germanio kaj ĝia plejparte germana loĝantaro estis post la jaro 1945 forŝovita.

• Fervojlinio Lipová Lázně – Javorník ve Slezsku

• 
  Familia domo
• 
  Domo kun ĝardeno
• 
  Fervoja haltejo kaj transveturejo
• 
  Rivero Vidnavka en Tomíkovice