Rocourt JU

Rocourt
	Blazono de Rocourt
vilaĝo • former municipality of Switzerland
Kantono	Ĵuraso
Distrikto	Porrentruy
Koordinatoj	47° 23′ 25″ N 6° 57′ 20″ O / 47.39028 °N, 6.95556 °O (mapo)Koordinatoj: 47° 23′ 25″ N 6° 57′ 20″ O / 47.39028 °N, 6.95556 °O (mapo)
Nombro de loĝantoj	158
Areo	4,48 km²
Alteco	508 m super marnivelo
Poŝtkodo	2907
Komunumkodo	6803
	Mapo de Rocourt
	v • d • r

Rocourt estas komunumo en la distrikto Porrentruy en Kantono Ĵuraso, Svislando. Ĝi havis 158 loĝantojn je la 31-a de decembro 2009.

Geografio

Rocourt situas en okcidento de la regiono Ajoie ĉe la norda flanko de la ĵurasa montoĉeno Lomont. La teritorio de la komunumo Rocourt etendiĝas sur areo de 4,48 km², de kiuj 37% estas kovritaj de arbaro, 59% servas por agrikulturo kaj 4% por setlado.

Najbaraj komunumoj

La komunumo Rocourt limas en nordo al Fahy, en oriento kaj sudo al Haute-Ajoie, kaj en okcidento al Grandfontaine.

Trafiko

Tra Rocourt pasas la kantona ĉefvojo de Porrentruy al Pont-de-Roide en Francio. Al la publika transportreto la komunumo estas konektita per poŝtaŭtolinio de Damvant al Porrentruy. Krom la fiksa buslinio ekzistas ankaŭ vokbussistemo, de busoj, kiuj trafikas je antaŭmendo telefona.

Historio

La unua dokumenta mencio de Rocourt datiĝas el la jaro 1148 kiel Rocort. Ekde la 13-a jarcento Rocourt estis posedaĵo de la Princepiskopejo Bazelo. Tamen ĝis la 15-a jarcento la senjoroj de Rocourt rifuzis la submetiĝo al la princepiskopo, kial la kontrolo pri la vilaĝo nur post la formorto de la nobela familio de Rocourt an la 15-a jarcento revenis al la princepiskopejo. En la 16-a jarcento Rocourt estis atribuita al la majorejo Chevenez de la princepiskopa voktejo Ajoie. Post la franca revolucio de 1792 ĝi dum unu jaro apartenis al la Raŭraka Respubliko, kiu kiel departamento Mont Terrible estis integrita al Francio. De 1800 ĝis 1815 Grandfontaine apartenis al la franca departemento Haut-Rhin, kaj en la jaro 1816 ĝi per dekreto de la Viena Kongreso de 1815 fariĝis parto de la distrikto Porrentruy de Kantono Berno. Ekde la 1-a de januaro 1979 Rocourt apartenas kun la tuta distrikto al la nova Kantono Ĵuraso. ^[1]