Pendolhorloĝo
Pendolhorloĝo estas speco de horloĝo, kiu funkcias ĉar pendolo svingas tien kaj reen. Tiel longe kiel la eksteraj fortoj, kiuj influas la pendolon, estas malgrandaj rilate al la gravito, la tempo en kiu la pendolo movas tien kaj reen praktike restos konstanta. Tielmaniere la pendolo zorgas ke la horloĝo restos funkcii regulmezure. Ĉi tio estis grava disvolviĝo en la tempomezurado.
La inventinto de ĉi tiu horloĝo estas la nederlandano Christiaan Huygens. Li akiris patenton por la pendolhorloĝo en 1657 kaj ĝis la 1940-aj jaroj la pendolhorloĝo estis la plej preciza tempomezura aparato kaj estis vaste uzata.
La pendolhorloĝo devas esti senmova por funkcii kun maksimuma precizeco. Skuado aŭ akcelo influas la movadon de la pendolo kaj kaŭzas malprecizaĵojn.
Nuntempe ekzistas pli precizaj kaj pli malmultekostaj horloĝoj, kiel kvarca horloĝo, kaj la ĉefa valoro de pendola horloĝo estas, ke ĝi estas dekoracia mebla objekto.
