Sakeo

Sakeo^[1] aŭ rizvino^[2] estas vino farita el rizo, produktata en landoj de orienta Azio, pli precipe en Japanio. La vorto devenas de la japana vorto 酒 [sake], kiu signifas nur alkoholaĵon.

En okcidentaj landoj, oni uzas la vorton "sakeo" por paroli pri alkoholaĵo el rizo, fermentigita per gisto kaj aspergilo,^[3] tamen en Japanio ĉi tia trinkaĵo estas pli konata kiel nihonshu (日本酒 , "japana alkoholo").^[4]^[5] Kvankam oni komparas sakeon kun vino, ĝia produktado pli similas tiun de biero, same produktata el greno. Alkoholaĵo distilita, kun pli da alkoholo, nomiĝas ŝoĉuo.

La ligno de ginko estas uzata por produktado de ujoj por sakeo.

Japana sakeo

Sakeo povas esti servata en multaj tasoj; jen estas *Sakazuki* malprofunda (maldekstre), *Ochoko* plej malgranda (antaŭe), kaj *Masu* el ligno (dekstre).

En la japana, sakeo estas nomata Sake, O-sake (respekta-forme), aŭ Nihonshu (lv. "japana alkoholo"). Kiam oni mendas sakeon en trinkejo, la kutima kvanto estas 1-gō ("ichi-gō", ĉirkaŭ 0,2 l). Ĝi estas proksimume 17-elcente alkohola. Por ke la sakeo restu ĉiam sam-varmeca/malvarmeca, la glaso aŭ taso estas denove plenigita, tuj post iom estas fortrinkita. La partnero pliplenigas la glason tradicie.

Dum somero oni ofte trinkas ĝin malvarman, dum vintre oni trinkas ĝin varman, sed kompreneble tio varias laŭ la gusto de la drinkanto.

La jena tabelo montras la japanajn terminojn de sakeo laŭ sia varmeco.


	Temperaturo	La japana (romaĝi)	Traduko
	55 °C+	Tobikiri-kan	Super-varma
	50 °C	Atsu-kan	Tre varma
Kan (varma)	45 °C	Jō-kan	Varma
	40 °C	Nuru-kan	Varmeta
	35 °C	Hitohada-kan	Varmeta kiel homa temperaturo
	30 °C	Hinata-kan	Varmeta kiel sub la suno
	15 °C	Suzu-hie	Komforte malvarmeta
Hiya (malvarma)	10 °C	Hana-hie	Malvarma kiel kiam burĝonoj ekflorus en frua printempo
	5 °C	Yuki-hie	Malvarma kiel neĝo
(Kvazaŭ-frostigita)	0 °C	Mizore-zake	Sakeo grajla

Sakeecaj trinkaĵoj

Nigori (lv. "malglata sakeo") estas lakteca-blanka sakeo kun malforta alkoholo. Ĝi estis manfarita hejme. Ĝi estas simila al Chóujiǔ en Ĉinio, kaj makolio en Koreio.
Mirino estas dolĉa kaj porkuirarta sakeo.
Amazake (lv. "dolĉa sakeo") estas sen- aŭ malfortega-alkohola trinkaĵo el fermentinta rizo.

Alilandaj sakeoj aŭ rizvinoj

Huángjiŭ, laŭvorte "flava sakeo/vino", estas ĉina rizvino. Ĝi havas nigran koloron kaj iam estas trinkata kun kubsukero, citrono aŭ peklita umeo. Shàoxīngjiǔ el Ĝeĝjango estas fama.
Rượu cần laŭvorte "vino de stemo", estas rizvino farata en la montaraj regionoj en Vjetnamo. Ĝi estas tipe kunsumata je bonaj tagoj, kiel novjaro de azia kalendaro. Tiu simila estas Lao-Lao en Laoso.

Sakeo en la Vikimedia Komunejo (Multrimedaj datumoj)
Kategorio Sakeo en la Vikimedia Komunejo (Multrimedaj datumoj)

Referencoj

↑ https://vortaro.net/#sakeo_kd
↑ https://vortaro.net/#rizvino_kd
↑ Kobayashi T, Abe K, Asai K, Gomi K, Uvvadi PR, Kato M, Kitamoto K, Takeuchi M, Machida M. (2007). "Genomics of Aspergillus oryzae". Biosci Biotechnol. Biochem. 71(3):646–670.
↑ https://es.wikipedia.org/wiki/Sake#cite_note-1
↑ Bamforth CW. (2005) "Sake". Food, Fermentation and Micro-organisms. Blackwell Science: Oxford, UK: 143–153.

[1] ttps://vortaro.net/#sakeo_kd

[2] ttps://vortaro.net/#rizvino_kd

[3] Kobayashi T, Abe K, Asai K, Gomi K, Uvvadi PR, Kato M, Kitamoto K, Takeuchi M, Machida M. (2007). "Genomics of Aspergillus oryzae". Biosci Biotechnol. Biochem. 71(3):646–670.

[4] ttps://es.wikipedia.org/wiki/Sake#cite_note-1

[5] Bamforth CW. (2005) "Sake". Food, Fermentation and Micro-organisms. Blackwell Science: Oxford, UK: 143–153.

[1]

[2]

[3]

[4]

[5]