Nutra gisto

Nutra gisto estas senaktivigita gisto, ofte speco de Saccharomyces cerevisiae, kiu estas vendita komerce kiel manĝprodukto. Ĝi estas vendita en formo de flokoj aŭ kiel flava pulvoro kaj povas esti trovita en la plej grandaj natur-manĝaĵejoj. Nutra gisto estas populara ĉe veganoj kaj vegetaranoj kaj povas esti uzata kiel ingredienco en receptoj aŭ kiel kondimento.

Ĝi estas grava fonto de iuj B-kompleksaj vitaminoj kaj enhavas spurojn de pluraj aliaj vitaminoj kaj mineraloj. Foje nutra gisto estas fortikigita per vitamino B12.

Nutra gisto havas fortan guston, kiu estas priskribita kiel nuksa, fromaĝa aŭ krema, kio faras ĝin populara kiel ingredienco en fromaĝaj surgatoj. Ĝi estas ofte uzata de veganoj anstataŭ fromaĝo, ekzemple en purigitaj kaj frititaj terpomoj, en ruligita tofuo, aŭ kiel garnizono de krevmaizo.

En Aŭstralio, ĝi foje vendiĝas kiel "bongustaj gistaj flokoj." En Nov-Zelando ĝi estis konata kiel Brufax. En Usono, ĝi estas foje nomata "hipia polvo" aŭ "nooch". Kvankam "nutra gisto" kutime rilatas al komercaj produktoj, nesufiĉe nutritaj militkaptitoj uzis giston "hejme kreskinta" por eviti mankon de vitaminoj. Nutra gisto diferencas el la gista eltiraĵo, kiu havas tre fortan guston kaj venas en la formo de malhelbruna pasto.