Manĝoĉeno
Manĝoĉeno estas ekologia termino, kiu priskribas rilatojn inter organismoj, kiam la organismoj de unu nivelo nutras sin per la organismoj de la nivelo sub ĝi.
La unua ĉenero de Manĝoĉeno estas ofte klorofila vegetalo. En maroj kaj oceanoj tio estas fitoplanktono. En la profundaj abismoj, kiun ne atingas sunradioj, arkeoj ludas tiun rolon. Homo plej ofte estas la lasta ĉenero. Ekzemplo estas la grunda manĝoĉeno.
Trofa nivelo estas ĉiu el la aroj de specioj aŭ organismoj de ekosistemo kiuj koincidas, pro la pozicio aŭ vico kiujn ili okupas, en la fluo de energio kaj nutraĵoj, tio estas, kiuj okupas similan lokon en la manĝoĉeno.