La Sagne
|
Por samtitolaj artikoloj vidu la paĝojn La Sagne (stacidomo) kaj La Sagne-Eglise (stacidomo). |
| La Sagne | |||||
|---|---|---|---|---|---|
 | |||||
 | |||||
| komunumo en Svislando | |||||
| |||||
| Kantono | Neŭŝatelo | ||||
| Distrikto | La Chaux-de-Fonds | ||||
| Koordinatoj | 47° 2′ 20″ N 6° 48′ 0″ O / 47.03889 °N, 6.80000 °O (mapo)Koordinatoj: 47° 2′ 20″ N 6° 48′ 0″ O / 47.03889 °N, 6.80000 °O (mapo) | ||||
|
| |||||
| Nombro de loĝantoj | 964 | ||||
| Areo | 25,55 km² | ||||
| Alteco | 1039 m super marnivelo | ||||
| Poŝtkodo | 2314 | ||||
| Komunumkodo | 6423 | ||||
 | |||||
La Sagne estas komunumo en la distrikto La Chaux-de-Fonds de Kantono Neŭŝatelo, Svislando. Ĝi havis 964 loĝantojn je la 31-a de decembro 2008.
Geografio
[redakti | redakti fonton]La Sagne situas okcidente de la montpasejo Vue des Alpes en la Valo de La Sagne et Les Ponts-de-Martel inter La Chaux-de-Fonds kaj la Lago de Neŭŝatelo. Tra la valo fluas la rivereto Le Bied, kiu alfluas al la lageto Scie des Creux, kies elfluo estas subtera.
Najbaraj komunumoj
[redakti | redakti fonton]La komunumo La Sagne limas en nordo al La Chaux-de-Fonds, en oriento al Val-de-Ruz (respektive antaŭ la komunuma kuniĝo en nordoriento al Les Hauts-Geneveys, en oriento al Boudevilliers, en orientosudoriento al Les Geneveys-sur-Coffrane, en sudoriento al eksklavo de Coffrane, en sudsudoriento al Montmollin), en sudo en unu punkto al Rochefort, en sudsudokcidento al Brot-Plamboz, en sudokcidento al Les Ponts-de-Martel, kaj en okcidento al Le Locle.
Trafiko
[redakti | redakti fonton]La Sagne disponas pri stacidomo ĉe la mallarĝŝpura trajnlinio de la Neŭŝatelaj Fervojoj de La Chaux-de-Fonds al Les Ponts-de-Martel.
Historio
[redakti | redakti fonton]La unua dokumenta mencio de La Sagne datiĝas el dokumento el la jaro 1363, per kiu Jean d'Arberg, La senjoro de Valangin, koncedas en la donitaj limoj diversajn liberecojn al la loĝantoj de Le Locle kaj La Sagne. Dum la Militoj de Burgonjo en la jaro 1476 la civitanoj de La Sagne submetis sin al la protekto de Berno.
Ekde la 14-a jarcento ĝis la jaro 1848 La Sagne formis burĝaron, al kiu de 1616 ĝis 1656 apartenis ankaŭ parto de La Chaux-de-Fonds. La plej granda parto de la familioj de La Sagne akiris ek de 1502 la civitanajn rajtojn de Valangin. Ili montris sin lojalaj al la malnova reĝimo, precipe en la jaro 1831. La reĝisma movado de septembro 1856 havis sian originon en La Sagne.
Esperanto-movado
[redakti | redakti fonton]Inter 1955 kaj 1973 Claude Gacond estis instruisto en la baza lernejo de La Sagne. Li dum tiu tempo ankaŭ instruis Esperanton al la porinstruista lernejo de Kantono Neŭŝatelo. En la jaro 1956 Claude Gacond organizis publikan Esperanto-ekspozicion en la lernejo de La Sagne, kaj en 1959 la japana ĵurnalistino Joŝiko Kaĵino tie publike prelegis pri Esperanto. (Fonto: Andreas E. Künzli: Universalaj Lingvoj en Svislando p 195, 229, kaj 321)
Vidu ankaŭ
[redakti | redakti fonton]- La Sagne (stacidomo)
- La Sagne-Eglise (stacidomo)
- La Corbatière (stacidomo)
- Les Coeudres (stacidomo)
- Les Coeudres-Est (stacidomo)
Eksteraj ligiloj
[redakti | redakti fonton]- Oficiala retejo de la komunumo Lasagne Arkivigite je 2009-08-25 per la retarkivo Wayback Machine
- Vidu ankaŭ en la Vikimedia Komunejo la kategorion La Sagne – (Kolekto de bildoj kaj plurmediaj dosieroj)
| ||||||
