Küssnacht

Por samtitola artikolo vidu la paĝon Küssnacht am Rigi (stacidomo).

Küssnacht
komunumo en Svislando
Ĝemelurboj Küssaberg • Zduny vd
Kantono	Ŝvico
Distrikto	Küssnacht
Koordinatoj	47° 4′ 59″ N 8° 26′ 28″ O / 47.08306 °N, 8.44111 °O / 47.08306; 8.44111 (mapo)Koordinatoj: 47° 4′ 59″ N 8° 26′ 28″ O / 47.08306 °N, 8.44111 °O / 47.08306; 8.44111 (mapo)
Nombro de loĝantoj	12126
Areo	13,20 km²
Alteco	457 m super marnivelo
Poŝtkodo	6403
Komunumkodo	1331; distrikto 0504
v • d • r

Küssnacht estas komunumo en la distrikto Küssnacht en Kantono Ŝvico, Svislando. Ĝi havis 12126 loĝantojn je la 31-a de decembro 2009.

La komunumo Küssnacht situas sude de la monto Rigi inter la Lago de Zugo en okcidento kaj la Kvarkantona Lago en okcidento. Kvankam la komunumo kun pli ol 12000 loĝantoj statistike estas urbo, ĝi sin ne konsideras kiel tia. La komunumo konsistas el la lokoj Küssnacht, Fänn, Haltikon, Immensee kaj Merlischachen.

La komunumo Küssnacht limas en nordo al Meierskappel (LU), en nordnordoriento al Risch Rotkreuz (ZG), en nordoriento denove al Meierskappel, en oriento aliflanke de la Lago de Zugo al Walchwil (ZG), en sudoriento al Arth, en sudo al Greppen (LU), en sudokcidento al Meggen (LU), en okcidento al Adligenswil (LU), kaj en nordokcidento al Udligenswil (LU).

Tra Küssnacht pasas la svisa aŭtovojo A4, al kiu la komunumo disponas pri alveturejo apud Immensee. Pasas tra la komunumo la kantona ĉefvojo n-ro 2 de Ŝvico al Lucerno. La komunumo disponas pri stacidomoj en Küssnacht kaj Immensee ĉe la trajnlinio de Arth-Goldau al Lucerno, krome flanke trajnlinio kondukas de Immensee al Zugo. De Küssnacht diversaj buslinioj kondukas al la najbaraj komunumoj kaj aertelfero al Seebodenalp.

La unua dokumenta mencio de Küssnacht datiĝas el la jaro 830 kiel Cossiniacum. Dum mezepoko la Monaĥejo Sankt-Leodegar en Lucerno kaj aliaj habsburgaj monaĥejoj posedis bienojn en Küssnacht. Fine de la 12-a jarcento la Monaĥejo Engelberg posedis la partronecon pri la preĝejo de Küssnacht. Ĝis la 14-a jarcento en Küssnacht superregis la influo de Lucerno, tiam kreskis la influo de Ŝvico. En la jaro 1402 Johanna de Tottikon vendis la voktorajtojn pri Küssnacht la la civitanoj de Ŝvico kaj de Küssnacht. En la jaro 1424 la civitanoj de Küssnacht ĵuris kun la ŝvicanoj la landorajtokontrakton, kiu garantiis la Küssnacht vastan aŭtonomion kaj liberecon interne de la Lando Ŝvico. Dum la epoko de la Helveta Respubliko Küssnacht formis distrikton kune kun Arth. Dum la secesio de 1831 ĝis 1833 Küssnacht aliĝis dumtempa Kantono Ekstera Ŝvico. Ek de 1833 Küssnacht estas propra distrikto de Kantono Ŝvico. ^[1]

• Küsnacht en apud Zuriko, kun kiu oni ne miksu la komunumo Küssnacht apud la monto Rigi.
• Astrid de Svedio
• Küssnacht am Rigi (stacidomo)
• Immensee (stacidomo)
• Merlischachen (stacidomo)

• Oficiala retejo de la komunumo Küssnacht

v • d • r Distriktoj de Kantono Ŝvico Einsiedeln • Gersau • Höfe • Küssnacht • March • Ŝvico