Israel in Egypt

Israel in Egypt aŭ Israelo en Egiptujo (HWV 54) estas oratorio en tri partoj de Georg Friedrich Händel.

Kontraste al siaj kutimoj Händel verkis ĉi tiun oratorion en seninterrompe. Male li komencis kun la lasta parto, kiun li nomis Moses Song kaj kiun li verkis inter la 1-a kaj 11-an de oktobro 1738. El lia memskribaĵo evidentas, ke li planas ĉi tiun akton kiel parto de pli granda oratorio; aliflanke kiel memstara verko ĝi estas tro mallonga.

Kiel sekvonta Händel komponis inter la 15-a kaj 20-a de oktobro la duan akton, titolitan Exodus, kaj instrumentis ĝin ĝis la 28-a de oktobro. La instrumentadon li finfaris la 1-an de novembro. La muzikon por la unua parto, Lamentation of the Israelites for the death of Joseph, li transprenis el Funeral Anthem, funebra muziko por Reĝino Caroline, kiun li verkis du jarojn antaŭe. Nur malmulta el la teksto devis esti ŝanĝita. Jam dum la presado de la partituro oni tamen forprenis la unuan parton, tiel ke la oratorio fariĝis finfine duparta verko sen uverturo (Exodus und Moses Song). Laŭ ĉi tiu formo oni prezentas ĝin ankaŭ nuntempe.

La unua prezentado okazis la 4-an de aprilo 1739 en la Reĝa Teatrejo ĉe Haymarket en Londono. Verŝajne oni prezentis inter la aktoj interalie la orgenkonĉerton F-maĵoran The Cuckoo and the Nightingale, kiun Händel mallonge antaŭe pretigis.

Jenaj soloistoj kantis dum la unua prezentado:

• Elisabeth Duparc, nomata „La Francesina“ (soprano)
• William Savage (kontratenoro)
• John Beard (tenoro)
• Thomas Reinhold (baso)
• Gustavus Waltz (baso)

La teksto de la oratorio konsistas nure el bibliaj citaĵoj. Oni supozas kiel libretiston Charles Jennens, kiu poste procedis similmaniere je la libreto por Mesio.

Portalo pri Muziko

• Hans Joachim Marx: Händels Oratorien, Oden und Serenaten, Vandenhoeck & Ruprecht, 1998, ISBN 978-3-525-27815-4
• Albert Scheibler, Julia Evdokimova: Georg Friedrich Händel. Oratorien-Führer, Edition Köln, 1993, ISBN 978-3-928010-04-7

• Israel in Egypt: Liberaj muziknotoj por elŝuti de International Music Score Library Project.
• muziknotoj^{[rompita ligilo]} de Israel in Aegypten (eldono de Friedrich Chrysander, Leipzig 1863) (germane)
• tekstaro ĉe stanford.edu
• Retpaĝaro pri la Händel-festivaloj en Crystal Palace en la 19-a jarcento Arkivigite je 2012-03-20 per la retarkivo Wayback Machine
• Israel in Egypten : Oratorium in zwei Abtheilungen nach Worten der heiligen Schrift / von G. F. Händel. - Düsseldorf : H. Voß, 1850. Cifereca eldono de Universitata Landa Biblioteko je Duseldorfo