Kuirarto de Afriko
La Kuirarto de Afriko aŭ afrika kuIrejo estas la aro de artoj kaj kuirartaj kutimoj propraj de la gentoj kaj etnoj kiuj komponas la kontinenton afrikan. La kontinento de Afriko estas la dua laŭgrande de la Tero kaj estas hejmo de centoj de triboj, etnoj kaj sociaj grupoj. Tiu diverseco videblas en la afrika kuirarto, kaj en la manĝokutimoj, kaj en la uzataj ingrediencoj aŭ ĉe la teknikoj de kuirarto. Ĝi montras influojn norde el la mediteranea kuirarto (ĉefe ĉe la magreba kuirarto) kaj ĉe la nordokcidento de la arabaj kaj turka kuirartoj.
Ne estas ĝeneralaj ingrediencoj en la kuirarto de Afriko pro la tiom enorma diverseco, sed ĝenerale ĝi estas miksaĵo de legomoj, dum viando estas malofta pro ties multekosteco. Tre konataj ingrediencoj estas gombo, palmoleo kaj arakidoj. Kelkaj el ili translokiĝis al la lokoj kie estis importitaj sklavoj el Afriko, kiel ĉe Karibio, Brazilo aŭ Suda Usono.