Kraslice

Kraslice
germane Graslitz
urbo
Urbodomo en Kraslice
Flago Blazono
Oficiala nomo: Kraslice
Ŝtato	Ĉeĥio
Regiono	Regiono Karlovy Vary
Distrikto	Distrikto Sokolov
Administra municipo	Kraslice
Historiaj regionoj	Bohemio, Sudetio
Montaro	Ercmontaro
Najbaras kun	Klingenthal Germanio
Rivero	Svatava
Situo	Kraslice
- alteco	514 m s. m.
- koordinatoj	50° 19′ 26″ N 12° 31′ 03″ O / 50.32389 °N, 12.51750 °O / 50.32389; 12.51750 (mapo)
Areo	81,33 km² (8 133 ha)
Loĝantaro	6 573 (2024)
Denseco	80,82 loĝ./km²
Unua skribmencio	1272
Horzono	MET (UTC+1)
- somera tempo	MET (UTC+2)
Poŝtkodo	358 01
NUTS 3	CZ041
NUTS 4	CZ0413
NUTS 5	CZ0413 560472
Katastraj teritorioj	14
Partoj de urbo	15
Bazaj setlejunuoj	21
Situo enkadre de Ĉeĥio
Vikimedia Komunejo: Kraslice
Retpaĝo: www.kraslice.cz
Portalo pri Ĉeĥio

Kraslice (germane Graslitz) estas urbo en Ĉeĥio troviĝanta en distrikto Sokolov, en Regiono Karlovy Vary 29 km nordokcidente de Karlovy Vary kaj 3 km de la germanaj limoj, sur rivero Svatava, en la okcidenta parto de Ercmontaro. Vivas ĉi tie 6 573 loĝantoj (2024).

La najbaraj municipoj de la setlejo estas Luby, Bublava, Stříbrná, Oloví, Rotava, Krajková, Markneukirchen kaj Klingenthal.

La urbo situas sur limoj kun Germanio (Saksio) kaj ĝia ĉirkaŭaĵo (Bublava, Stříbrná) estas signifa centro de vintraj sportoj. Kondukas tra ĝi fervojlinio Sokolov–Kraslice, personan transporton sekurigas kompanio GW Train Regio.

La urbo estas centro de tekstilindustrio kaj havas ĉi tie sidejon ankaŭ firmao Amati, produktanto de blovinstrumentoj. Apud la firmao Amati ekzistas ankaŭ meza industria lernejo kaj meza faka metilernejo, kiuj estas pro siaj celigoj ununuraj en la lando.

La unua skribmencio pri la municipo devenas el la jaro 1272.

En la komunumaj balotoj en la jaro 1935 akiris henleinanoj dutrionan plimulton kaj naciecaj disputoj pli poste kulminis en surstratajn maltrankvilojn, escepte okazis eĉ perfortoj. Post Munkena interkonsento Kraslice estis unu el la unuaj sudetiaj urboj, kiujn vizitis Adolf Hitler (la 4-an de oktobro 1938).

Dum la dua mondmilito la fabrikoj transiris por armiga produktado por wehrmacht, la trafikon sekurigis militkaptitoj de multaj naciecoj. Kraslice estis liberigita fare de usonanoj la 7-an de majo 1945, sed je kelke da tagoj pli poste la administradon de la regiono transprenis soveta armeo. En la jaro 1945 Kraslice havis historie plej altan nombron de loĝantoj (18 500), same kiel ĉie en la limregiono, tiel ankaŭ en Kraslice regis mallongtempe post la liberigo konfuzaj kondiĉoj. Tuj en la jaro 1945 forlasis multe da germanoj, organizitaj ellandigoj okazis en la jaro 1946. Alŝovo de ĉeĥaj enloĝintoj estis malrapida pro malbona provizado senpere sur la limo kun Germanio. En la jaro 1950 Kraslice havis netutaj 6 000 loĝantojn, el tio estis pli ol mil germanoj. Temis precipe pri fakuloj, kiuj povis resti por konservado de kontinuieco de la specifa fako de la produktado de muzikinstrumentoj.

Post 1945, tekstilproduktado koncentriĝis en la nacia entrepreno Krajka, muzikinstrumentaj fabrikistoj formis la Amati-kooperativon, poste ankaŭ nacian entreprenon, kiu spertis kelkajn organizajn ŝanĝojn dum la jaroj, inkluzive de klopodoj por movi produktadon enlanden. Post 1950, post pluraj jarcentoj, kuprominado estis rekomencita en la loka parto Tisová (sendependa municipo ĝis 1960). Fine, la kompanio Amati sukcese daŭrigis sian intermilitan famon, kaj krom la seria produktado de muzikaj instrumentoj, ankaŭ majstraj pecoj estis produktitaj ĉi tie. Muzikaj instrumentoj de Kraslice gajnis kelkajn premiojn ĉe internaciaj foiroj kaj ekspozicioj. Sub la patroneco de la vetkuro, baldaŭ post 1945 ekfunkciis blovorkestro, kaj ekde 1957 la Granda blovorkestro Amati Kraslice, kiu post siaj unuaj sukcesoj en la Orienta Bloko, penetris Okcidenteŭropon kaj Usonon en la 1960-aj jaroj. La Meza industria lernejo de la produktado de muzikaj instrumentoj ankaŭ konservis sian reputacion, kiu kun sia specifa fokuso estis la ununura en Mezeŭropo kaj studentoj el la tuta Ĉeĥoslovakio venis ĉi tien.

La postmilita evoluo de Kraslice estis karakterize markita per la proksimeco de la ĉeĥoslovaka-germana ŝtatlimo. La antaŭa koneksa konstruareo inter Kraslice kaj la najbara Klingenthal kreata de municipo Hraničná estis likvidita kaj estiĝis arbarigita limregiona zono. Kraslice mem suferis preskaŭ intenca malkonstruado de vico da valoraj konstruaĵoj, kiuj rememorigis la germanan karakteron de la urbo (hotelo Bílá labuť en la placo).

• Burgo sur monteto Hradiště estas arkeologie pruvita en la 14-a kaj la 15-a jarcento. Sed eblas, ke fondis ĝin reĝo Přemysl Otakar la 2-a antaŭ la jaro 1272.
• Preĝejo de Dia Korpo el la jaroj 1893–1896
• Kapelo de Avanco de sankta Kruco kun adiaŭiga ĉambrego (1885)
• Evangelia preĝejo (1912)
• Urba buĉejo (1904)
• Vilao de Fuchs (1904)
• Vilao de Breinl (1903)
• Fabriko Bohland a Fuchs
• Trabfakaj domoj en strato 5. května
• Preĝejo de sankta Jakobo pli Granda
• Preĝejo de sankta Egidio

• Julius Meinl (1824–1914), entreprenisto
• Johann David Starck (1770–1841), entreprenisto
• Johann Anton Starck (1808–1883), entreprenisto
• David Jahnl (* 1808), kuracisto
• Josef Carl Starck (1792–1851), grandbienulo
• Kateřina Zohnová (* 1984), basketbalistino
• Richard Dotzauer (1816–1887), politikisto
• Franz Gruss (1891–1979), desegnisto kaj pentristo
• Michael Krmenčík (* 1993), futbalisto

¹⁾ Ensumigita en Kraslice.

• Landlimo de Ĉeĥio kaj Germanio
• Sudetgermana ribelo

• 
  Vido el strato Skalní ulice
• 
  Strato Pohraniční stráže kun muzika lernejo
• 
  Vido al la urbo el montopiedo de Sněženský vrch
• 
  Preĝejo de Dia Korpo el strato Nerudova
• 
  Evangelia preĝejo
• 
  Strato Nerudova
• 
  Vido al la urbo de tombejo
• 
  Vido de la evangelia preĝejo
• 
  Strato 5. května
• 
  Stacidomo