El Vikipedio, la libera enciklopedio
La komunumaro Lambrecht - germane Verbandsgemeinde Lambrecht [ferBANTSgemajnde LAMbreht] - estas administra komunumaro en Germanio, ĉirkaŭ la centra komunumo Lambrecht. Ĝi troviĝas en la distrikto Bad Dürkheim de la federacia lando Rejnlando-Palatinato. La teritorio apartenas al la mezalta montaro Palatinata Arbaro.
Fine de la jaro 2022 la komunumaro havis 12 257 loĝantojn. La administrejo de la komunumaro centre plenumas iujn oficejajn servojn por la loĝantoj de ĉiuj membraj komunumoj, kiuj parte en komparo kun aliaj partoj de Germanio havas relative malmultajn loĝantojn, tial ke vivteno de administrejo kun ĉiuj servoj en ĉiu unuopa komunumo estus malekonomia.
