Frick AG
|
Por aliaj signifoj, bv. rigardi la apartigilan paĝon: Frick (apartigilo) |
| Frick | |||||
|---|---|---|---|---|---|
 | |||||
 | |||||
| komunumo en Svislando | |||||
| |||||
| Kantono | Argovio | ||||
| Distrikto | Laufenburg | ||||
| Koordinatoj | 47° 30′ 30″ N 8° 1′ 20″ O / 47.50833 °N, 8.02222 °O (mapo)Koordinatoj: 47° 30′ 30″ N 8° 1′ 20″ O / 47.50833 °N, 8.02222 °O (mapo) | ||||
|
| |||||
| Nombro de loĝantoj | 4717 | ||||
| Areo | 9,96 km² | ||||
| Alteco | 350 m super marnivelo | ||||
| Poŝtkodo | 5070 | ||||
| Komunumkodo | 4163 | ||||
 | |||||
Pri la komunumo
[redakti | redakti fonton]Frick estas komunumo en la distrikto Laufenburg de Kantono Argovio, Svislando. Ĝi havis 4717 loĝantojn je la 31-a de decembro 2008.
Geografio
[redakti | redakti fonton]Frick situas norde de la Ĵurasa Montaro en la tiel nomita Frickvalo, tra kiu fluas la rivero Sissle. La teritorio de la komunumo Frick komplete kunkreskis kun la najbara komunumo Gipf-Oberfrick.
Najbaraj komunumoj
[redakti | redakti fonton]Frick limas en nordokcidento al Eiken, en nordo al Oeschgen, en nordoriento al Kaisten kaj Ittenthal, en oriento al Hornussen, en sudoriento al Ueken, en sudo al Gipf-Oberfrick, kaj en okcidento al Schupfart.
Trafiko
[redakti | redakti fonton]
Frick disponas pri stacidomo ĉe la trajnlinio de Svisaj Federaciaj Fervojoj de Bazelo tra Brugg al Zuriko.
La komunumo estas la elirpunkto de la vojo tra Bözberg-Pasejo, kiu estas parto de la kantona ĉefvojo n-ro 3 de Bazelo al Zuriko. Tra Frick ankaŭ pasas la svisa aŭtovojo A3, al kiu la komunumo havas propran alveturejon, paralele al la Bözberg-Pasejvojo.
Vidindaĵoj
[redakti | redakti fonton]En Frick okazis signifaj trovoj de dinosaŭroj, kiuj nuntempe videblas en la loka dinosaŭromuzeo.
Historio
[redakti | redakti fonton]La unua dokumenta mencio de Frick datiĝas el la jaro 1064 kiel Fricho.
Apud la ĉefstrato estis trovitaj restaĵoj de romia bieno, kaj sub la preĝeja monteto la ruinoj de malgranda kastelo el la frua 4-a jarcento, kiu protektis la armestraton de Vindonissa al Augusta Raurica. Ĉirkaŭ la jaro 370 sur la loko de hodiaŭa preĝejo estis konstruita pli granda kastelo. Diversaj trovoj en la supera vilaĝo indikas, ke iam tie ekzistis granda romia setlejo. Tomboj sur la preĝeja monteto indikas la ekziston de alemana setlejo.
Ĉirkaŭ la jaro 1230 Frick fariĝis posedaĵo de la Habsburgoj kaj formis kune kun Oberfrick kaj parto de Oeschgen la voktejon Frick, kiu ankaŭ estis nomita voktejo de Homburgo. En la jaro 1803 Frick kune kun la tuta hodiaŭa Frickvalo fariĝis parto de la Kantono Argovio kaj en la jaro 1804 estis fonditaj la hodiaŭaj komunumoj Frick kaj Gipf-Oberfrick.
Vidu ankaŭ
[redakti | redakti fonton]Eksteraj ligiloj
[redakti | redakti fonton]
| ||||||
