El Vikipedio, la libera enciklopedio
La federacia vojo 7 - germane Bundesstraße 7 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Post kiam pli kaj pli da partoj transpreniĝis per novaj aŭtovojoj, anstataŭ la la originaj pli ol 500 kilometroj ĝi nun ankoraŭ vojas 453 kilometrojn tra la federaciaj landoj Nordrejn-Vestfalio, Hesio, Turingio kaj Saksio. La plej okcidenta punkto estas la komunumo Meerbusch rekte ĉe Duseldorfo (origine estis Venlo ĉe la limo al Nederlando) kaj la plej orienta la komunumo Rochlitz proksime al Chemnitz. Gravaj urboj survojaj estas Duseldorfo, Hagen, Menden, Kassel, Gotha, Erfurt, Weimar, Jena kaj Altenburg. Inter la urboj Gotha kaj Erfurt en Turingio la vojo sekvas la mezepokan komercan Reĝan Vojon.
|
|
Ĉi tiu artikolo ankoraŭ estas ĝermo pri vojo.
|
