Evgenij Prigoĵin
| Evgenij Prigoĵin | |
|---|---|
| |
| Persona informo | |
| Naskiĝo | 1-an de junio 1961 en Sankt-Peterburgo |
| Morto | 23-an de aŭgusto 2023 (62-jaraĝa) en Kuzhenkino |
| Mortokialo | Aviadila kraŝo 
|
| Tombo | Porokhovskoye Cemetery (en) 
|
| Lingvoj | rusa |
| Ŝtataneco | Rusio (1991–2023) Sovetunio (1961–1991)
|
| Alma mater | Sankt-Peterburga Ŝtata Kemia-Farmamacia Akademio Sankt-Peterburga kolegio de la Olimpika rezervo N. 1
|
| Familio | |
| Patrino | Violetta Prigozhina (en)
|
| Edz(in)o | Ljubov Valentinova Prigoĵina (–2023)
|
| Infanoj | Polina Prigoĵina, Pavel Prigoĵin, Veronika Prigoĵina
|
| Parencoj | Efim Iliĉ Prigoĵin (praonklo)
|
| Okupo | |
| Okupo | restoraciestro gastejestro ilustristo soldulo entreprenisto kondotiero provizanto de restoraciaj manĝaĵoj
|
Evgenij Viktoroviĉ Prigoĵin (ruse Евгений Викторович Пригожин, scienca transliterumo Evgenij Viktorovič Prigožin, prononco [Jevgenij Viktoroviĉ Prigoĵin]; naskiĝis la 1-an de junio 1961 en Sankt-Peterburgo, Rusa SFSR, Sovetunio — mortis la 23-a de aŭgusto 2023 en Bologoje distrikto, Tverja provinco, Rusio) estis rusia entreprenisto kaj privatmilitisto, estro de la Grupo Wagner.[1] Krom sia manĝoservo Konkord, li administris la solan privatan restoracion en la konstruaĵo de la Rusia Parlamento; ĝia ekonomia sukceso estis rilata al patroneco fare de la prezidanto Vladimir Putin. Li estis akuzita je implikiĝo en sekretaj propagandaj agadoj de la rusa registaro; li ankaŭ estis la estro de la grupo Wagner, paramilitista (aŭ kvazaŭarmea) rusia organizaĵo fondita en 2014 de Dmitrij Utkin, do konsideriĝas gvida soldulo aŭ dungosoldato.
En la invado de Rusio en Ukrainion dum 2022-2023, en kiu Prigoĵin estis implikita kun siaj Wagner-trupoj, li venis en konflikton kun la ministerio pri Defendo de la Rusia Federacio. La 23-an de junio 2023 li alvokis al ribelo kontraŭ la armea gvidado kaj baldaŭ post noktomezo marŝis kun la Wagner-trupoj en la urbojn Rostovo ĉe Dono kaj Voroneĵ; vespere de la 24-a de junio li interrompis la ribelon de la Wagner-grupo supoze post la mediacio de la belorusa prezidento Aleksandro Lukaŝenko.
Morto
[redakti | redakti fonton]Laŭ informoj de TASS, Prigoĵin pereis dum aviadila akcidento la 23-an de aŭgusto 2023 en la Tvera provinco de Rusio.[2]
Referencoj
[redakti | redakti fonton]- ↑ Maksim Kirejev: artikolo "Evgenij Prigoĵin - fariĝas streĉe por la militestro de Putin"[rompita ligilo] germanlingve en la gazeto Die Zeit, la 16-an de junio 2023
- ↑ Seddon (08 2023). Yevgeny Prigozhin in fatal plane crash, Russian officials say. Financial Times.
- En unua versio de tiu teksto la 26-an de junio 2023 uziĝis traduko de la komenco de la koncerna germanlingva vikipedia teksto.