Elisabeth Schwarzer

Elisabeth Schwarzer (naskiĝis la 21-an de februaro 1959) estas germana esperantistino kaj etnologo. En la 1980-aj jaroj, ŝi aktivis en Germana Esperanto-Junularo kaj Tutmonda Esperantista Junulara Organizo, ĉefe kiel estraranino en ties Komisionoj pri Eksteraj Rilatoj, kaj reprezentis la Esperanto-movadon en multaj internaciaj kunvenoj de sociaj organizaĵoj. Krome, ŝi kunorganizis plurajn Internaciajn Seminariojn de GEJ kaj inter la jaroj 1989 kaj 1998 estis komitatanino de UEA. Pasinte siajn lernejajn jarojn en Gronau kaj studinte etnologion en la Libera Universitato Berlino, ŝi plu vivas en Berlino.

Ĉi tiu artikolo ankoraŭ estas ĝermo pri esperantisto.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).