Belprahon

Belprahon
Blazono de Belprahon
Lernejo de Belprahon
komunumo en Svislando
Kantono	Berno
Administra distrikto	Berna Ĵuraso
Malnova distrikto ĝis 2009	Moutier
Geografia situo	CH1903: 597603 / 237247 (mapo)47.2861111111117.4069444444444Koordinatoj: 47° 17′ N, 7° 24′ O; CH1903: 597603 / 237247 (mapo)
Nombro de loĝantoj	303
Areo	3,79 km²
Alteco	627 m super marnivelo
Poŝtkodo	2744
Komunumkodo	0681
Mapo de Belprahon
v • d • r

Belprahon (malnova germanlingva nomo Tiefenbach) estis ĝis la 31-a de decembro 2009 komunumo de la distrikto Moutier kaj ekde la 1-a de januaro 2010 komunumo de la administra distrikto Berna Ĵuraso en Kantono Berno, Svislando. Ĝi havis 303 loĝantojn je la 31-a de decembro 2009.

Belprahon situas norde de la rivero Raus, alfluanto de Birs, en la tiel nomita Granda Valo (france Grand Val), sude de la ĵurasa montoĉeno Mont Raimeŭ, kies rokoj imprese preskaŭ minace leviĝas rekte supre de la vilaĝo. Al la komunumo apartenas ankaŭ la nova loĝkvartalo, Les Amatennes, sub la malnova vilaĝo ĉe la kantona ĉefvojo.

La komunumo Belprahon limas en nordo al Roches, en oriento al Grandval, en sudo al Eschert, kaj en okcidento al la antaŭa distriktĉefurbo Moutier.

La rekonilo de la komunumo, kies bildo ankaŭ ornamas la blazonon, estas la malnova lernejo, konstruita en la jaro 1872 en novklasika stilo.

Tra Belprahon pasas la kantona ĉefvojo n-ro 30 de Balsthal al Moutier. Al la publika transportreto la komunumo estas konektita per buslinio, kiu cirkulas inter Belprahon, Eschert kaj Moutier. Okcidente de Belprahon pasas la svisa aŭtovojo A16, al kiu unu kilometro okcidente de la komunuma limo ekzistas alveturejo.

Dum mezepoko ĝis la Franca Revolucio Belprahon apartenis al la paroĥaro Moutier-Grandval, kiu siavice apartenis al la princepiskopejo Bazelo. De 1798 ĝis 1813 Belprahon apartenis al Francio, unue al la departemento Mont-Terrible kaj poste al la departemento Haut-Rhin. En la jaro 1815 Belprahon per la Viena Kongreso estis atribuita al la Kantono Berno kaj fariĝis parto de la distrikto Moutier, kiu je la 1-a de januaro 2010 estis integrita al la administra distrikto Berna Ĵuraso. ^[1]

• Oficiala retejo de la komunumo Belprahon
• Belprahon en la Historia Leksikono de Svislando  (germane, france, itale)

• 
  Kamparana domo en Belprahon
• 
  Vilaĝa strato kun tipaj domoj de la regiono
• 
  Restoracio Croix-Blanche (Blanka Kruco)
• 
  Vilaĝa puto

v • d • r Komunumoj de la administra distrikto Berna Ĵuraso Belprahon • Bévilard • Champoz • Châtelat • Corcelles • Corgémont • Cormoret • Cortébert • Court • Courtelary • Crémines • Diesse • Eschert • Grandval • La Ferrière • La Heutte • Lamboing • La Neuveville • La Scheulte • Loveresse • Malleray • Monible • Mont-Tramelan • Moutier • Nods • Orvin • Perrefitte • Péry • Plagne • Pontenet • Prêles • Rebévelier • Reconvilier • Renan • Roches • Romont • Saicourt • Saint-Imier • Saules • Seehof • Sonceboz-Sombeval • Sonvilier • Sornetan • Sorvilier • Souboz • Tavannes • Tramelan • Vauffelin • Villeret

v • d • r Komunumoj de la iama distrikto Moutier ĝis 2009 Belprahon • Bévilard • Champoz • Châtelat • Corcelles • Court • Crémines • Eschert • Grandval • Loveresse • Malleray • Monible • Moutier • Perrefitte • Pontenet • Rebévelier • Reconvilier • Roches • Saicourt • Saules • Schelten • Seehof • Sornetan • Sorvilier • Souboz • Tavannes