André de Gouveia

Andreo de Goŭveja (1497-1548)
Fasado de la Johana Biblioteko, en la Universitato de Koimbro, kie li studis.[1]
Persona informo
Naskiĝo	1497 en Beĵa,  Portugalio
Morto	9-a de junio 1548 en Koimbro,  Portugalio
Lingvoj	portugala vd
Ŝtataneco	Reĝlando Portugalio vd
Alma mater	Collège de Guyenne[2], Bordozo, Francio, Universitato de Parizo, Kolegio de Sankta Barbara, Parizo[3]
Familio
Gefratoj	António de Gouveia (mul) vd
Parencoj	Diogo de Gouveia (onklo) vd
Profesio
Okupo	gramatikisto universitata instruisto vd
Postenoj Postenoj lernejestro vd
vd	Fonto: Vikidatumoj
v • d • r

André de Gouveia (1497-1548) estis portugala humanisto kaj pedagogo, fondinto de la Kolegio de la Artoj, en Koimbro, Portugalio, kaj rektoro de la Universitato de Parizo kie li anstataŭis sian onklon, Diogo de Goŭveja en la Kolegio de Sankta Barbara de Parizo kaj poste fariĝis rektoro en la Kolegio de Guienne, en Bordozo.

Andreo de Goŭveja estis filo de António de Gouveia (1510-1566), portugala humanisto kaj filologo.^[4] kaj estis unu el la unuaj portugaloj kiuj studis en la Kolegio de Sankta Barbara, en Parizo. Tiuepoke la kolegio estis direktita de lia onklo Diogo de Gouveia. Post studi majstrecon pri artoj dum ses jaroj li doktoriĝis en teologio kaj samtempe komencis instrui en la kolegio.

Komencinte en 1530, pro foresto de sia onklo kaŭze de diplomataj misioj, Andreo estis komisiita de Diogo de Gouveia pri la direktado de la kolegio. Kiel adepto de la plej avancitaj religiaj ideoj, Andreo de Goŭveja semis en la Kolegio de Sankta Barbara siajn humanismajn idealojn. En 1531, li indikis kiel rektoron la estontan rektoron de la Universitato de Parizo, Nicolas Cop (1501-1540). En la Kolegio de Sankta Barbara Andreo restis ĝis 1534.

En 1533 li estis nomumita rektoro de la Universitato de Parizo. Unu jaron post lia nomigo kiel rektoro, li forlasis la Kolegion kaj fariĝis direktoro de la Kolegio de Guyenne. En 1537, li elektiĝis "reganta doktoro de la tuta Universitato por ĉiam publike legi la Sanktan Skribon nome de la menciita universitato". Lia restado en la Kolegio de Guyenne longis ĝis 1547.

Li reiris al Portugalio, invite de Johano la 3-a, akompanata de grupo da eksterlandaj profesoroj por direkti la Reĝa Kolegio de Artoj kaj Homsciencoj^[5], en Koimbro. Tamen, li mallongtempe restis kiel rektoro de la kolegio pro tio ke li mortis en la 9-a de junio 1548.

Kiam en Francio, li tenadis kontaktojn kun la portugalaj intelektularo kaj altrangularo, tamen li estis akuzata pri luteranismo kune kun sia frato Antono de Goŭveja (1505-1566). Andreo de Goŭveja sin defendis asertante ke, kvankam li tenis kontaktojn kun Marteno Lutero, li ĉiam tenadis bonajn rilatojn kun la katolika klerikularo de Parizo.

• Schola Aquitanica, 1583^[6]
• De Quinque Universalibus^[7]

• Infopedia
• Orações de sapiência: 1548-1555, Sebastião Tavares de Pinho
• Oração de Andre de Resende Pronunciada No Colégio Das Artes em 1551
• Joao de Barros
• Wordpress
• Contemporaries of Erasmus: A Biographical Register of the ..., Volumes 1-3, Peter G. Bietenholz, Thomas Brian Deutscher
• Estudos vários, Volume 2, Mário Brandão
• The Making of an Enterprise: The Society of Jesus in Portugal, Its Empire ..., Dauril Alden
• Les Portugais à Paris: au fil des siècles & des arrondissements, Agnès Pellerin
• Obras Esparsas. Estudos Doutrinais e Sociais.
• Portuguese Humanism and the Republic of Letters, Maria Berbara, Karl A. E.. Enenkel

• George Buchanan (1506-1582)
• Diogo de Teive (1514-1569)
• Jerónimo Osório (1506-1580)
• António de Gouveia (1505-1566)
• Diogo de Gouveia (1471-1567)
• Étienne de La Boétie (1530-1563)
• Mikaelo de Montajno (1533-1592)

	Portalo pri Portugalio
	Portalo pri Homoj
	Portalo pri Homsciencoj