Nenecio
| Aŭtonoma distrikto Nenecio Ненёцие автономной ӈокрук Ненецкий автономный округ | |||||
|---|---|---|---|---|---|
| |||||
| Ĉefurbo: | Narjan-Mar (18 500 loĝ.) | ||||
| Areo: | 176 700 km² | ||||
| Loĝantaro: | 45 491 (2003) | ||||
| Denseco: | 0,24 loĝ./km² | ||||
| Oficialaj lingvoj: | neneca kaj rusa | ||||
| Tempozono: - somere |
UTC+3 UTC+4 | ||||
| Distrikto fondita: | 1929 | ||||
Nenecio (nenece Ненёцие автономной ӈокрук, ruse Ненецкий автономный округ) estas aŭtonoma distrikto en Rusio. Ĝi apartenas formale al Arĥangelska provinco, sed fakte ĝuas memstarecon en la federacia nivelo.
La loĝantoj estas plejparte rusoj (62,4% en 2002), nenecoj (18,7%) kaj komioj (10,9%).
Plejparto de la teritorio (76%) estas tundro.
Historio
La neneca popolo ekmigris en la nunan teritorion de Nenecio el la suba fluejo de Objo ĉ. la 10-a jarcento. En la jarcentoj 5-13 en la regiono loĝis gentoj de necertigita origino, kiun rusoj nomis peĉora kaj nenecoj — sirtja.
Politiko
La 2-an de junio 2006 rusia prezidento Vladimir Putin, laŭ peto de la Ĝenerala Prokurejo, depostenigis la estron de la Neneca Aŭtonoma Distrikto Aleksej Barinov, kiu estis arestita la 23-an de majo 2006 kiel suspektito pri financaj krimoj. Portempa plenumanto de la devoj de distriktestro iĝis Valerij Potapenko. La 7-an de aŭgusto 2006 li iĝis oficiale konfirmita en la regionestra posteno fare de la loka parlamento.
