力

  想搵第二個意思嘅話，請睇力 (搞清楚)。

力（粵拼：lik6）係一種物理概念，係物體同物體之間嘅相互作用。傳統物理觀念認為，令到有質量物體加速（或者減速）嘅一種影響，就係力。我哋無論對一件物體拉開或者推開，都有力施加喺物體上。

力係矢量，定義係動量改變嘅率，因為咁佢有方向跟住佢。

力可以改變一個物體嘅運動狀態，以及郁動速度、大細同方向。力又可以改變物體嘅形狀。

力嘅國際標準單位係牛頓，但都可以用重量單位嚟表示，例如公斤（kg）。

根據牛頓第二定律，力係用呢條公式表達出嚟：

${\displaystyle {\vec {F}}=m{\vec {a}}}$

其中m代表咗物體嘅質量，a代表咗加速度。喺呢條公式入面，質量單位係千克，加速度單位係用米每二次方秒。所以力嘅單位係千克米每二次方秒(kg·ms^-2)。

• 作用力
• 反作用力
• 動力
• 重力
• 地心吸力
• 摩擦力
• 磁力
• 衝力
• 張力
• 彈力

自由體圖係古典力學分析上嘅一種做法，喺物理學同工程學上都好常用：一幅自由體圖會畫出分析緊嗰一件物體、件物體嘅各部份、以及向件物體施力嘅物體，然後用箭咀表示出個系統當中存在嘅力，每個箭咀會有個方向代表嗰股力嘅方向，仲會附帶一個數值表示嗰股力嘅大細；例如想像一嚿物體（用一個藍色嘅四方形代表），擺咗喺一個斜面（紅色三角形）上面，個斜面同地面之間嘅角度係 ${\displaystyle \theta }$ 咁多度，件物體會受到至少三股力－

• ${\displaystyle mg}$ 係由地球施喺件物體上嘅萬有引力；
• ${\displaystyle f}$ 係由個斜面施喺件物體上嘅摩擦力；
• ${\displaystyle N}$ 係由個斜面施喺件物體上嘅反作用力；

如果 ${\displaystyle mg\sin(\theta )>f}$ ^{[註 1]}，就會令嚿物體沿 ${\displaystyle mg\sin(\theta )}$ 嘅向左下方向有個加速度，而佢向嗰個方向嘅速度就會上升。畫做自由體圖嘅話^[1][2]：

好似上述噉嘅圖喺（例如）建築設計上可以用嚟分析喺一間建築物嘅入口隔離、用嚟俾輪椅行嘅斜路嘅力學設計（將藍色四方形想像成一架輪椅）^[3]。

• 牛頓
• 牛頓運動定律
• 牛頓第一定律
• 牛頓第二定律
• 牛頓第三定律

維基同享有多媒體嘅嘢：
力