萬有引力

萬有引力maan6 jau5 jan5 lik6，係四種基本力之一，又叫引力，指令帶質量或者帶能量嘅一孖嘢互相趨近嘅力，無論細嘢似花草定係大嘢似行星、恆星、星系啲天體，甚至光都會受引力影響。衹不過萬有引力係基本力裏頭最弱嘅，所以平閒時生活除開考慮啲嘢同地球、月球（潮）同埋太陽（大細潮）之間個引力之外會比較少涉及到。但涉及啲宇宙天體嗰陣時，好多時都要考慮埋引力影響。憑引力，太陽𧘌住各個星體構成太陽系，太陽系本身又同銀河𧘌埋圍住個銀河中心轉，銀河又同其他星系組成本星系羣與及其他仲要大嘅結構。萬有引力，無遠弗屆，亦即力去到無窮遠。之不過，愈遠愈弱，愈遠就弱得愈快。

最早總結出萬有引力規律嘅係牛頓。佢喺佢本《自然哲學嘅數學原理》入邊表述唨個萬有引力定律，講：

「	宇宙入邊每個質點都憑一種力吸引其他各個質點，之同佢哋質量乘積成正比、同佢哋之間個距離平方成反比。宇宙入面嘅每一粒粒子都用咗同佢哋質量嘅乘積成正比，同埋同佢哋之間平方距離成反比嘅力吸引其他所有粒子。	」
——艾薩克·牛頓，《自然哲學嘅數學原理》

公式表示係：

$F=G{\frac {m_{1}m_{2}}{r^{2}}}$

牛頓個定律喺一般情況（質量唔大抑或距離唔太短）同現實衲得好啱。但個定律入邊假設引力係無中介又即時嘅（超距作用），同埋應付近距離引力作用（水星進動）陣時會有誤差。

一九一五年，愛因斯坦發表咗廣義相對論，如此更準確咁描寫引力。引力唔用力講，而用引力場同埋時空曲率來講。引力係質量不均，時空曲率帶來嘅結果。引力去到極致嘅嘢就係黑洞。黑洞嘅時空曲率之大，令到所有嘢、甚至連光都走唔出黑洞事件視界。

呢篇同物理相關係楔位文。歡迎幫維基百科擴寫佢。