Piuciarìa

La piuciarìa o avarìsia o tacagnerìa l'è 'l vìsi dla gint tròp tachèda ai sold, ch'la i tin tròp estrìc.^[1]
Per la Céśa catòlica, la piuciarìa l'è ùn di sêt vìsi capitêl, che difât l'andrèv invéci mìs a taśér cun la caritê, ch'la s'rèv invéci la virtù ch'la gh'è cuntrària.

• (CARPŚ) Èser un rabèin (scóltel chè), (IT) Essere tirchio.
• (CARPŚ) Crèpa l'avarìsia,^[2] (IT) Crepi l'avarizia.
• (CARPŚ) Èser ed na piuciarìa mai vdùda,^[3] (IT) Essere di una tirchieria mai vista.
• (CARPŚ) Avér-'gh al méter curt,^[4] (IT) (lett.) Avere il metro corto, (fig.) Essere avaro.
• (CARPŚ) Èser na pèla (na plàsa),^[5] (IT) Essere una pelle (una pellaccia), un avaraccio.
• (CARPŚ) Èser strìc più 'd un rabèin stìtic (scóltel chè),^[6] (IT) (lett.) Essere più stretto di un rabbino stitico, (fig.) Essere troppo avaro.
• (CARPŚ) Al plarèv un piōć p'r avér-en la pèla,^[7] (IT) (lett.) Pelerebbe un pidocchio per prenderne la pelle, (fig.) Essere troppo avaro.
• (CARPŚ) A gh'è dal reschi che, per sparagnèr, i tinen sarèdi anca el fnestri e i us ch'i nn'egh dìghen che l'ària la s pèga, (IT) Ci sono delle pelli che, per risparmiare, tengono chiuse anche le finestre e le porte, che non gli dicano che l'aria va pagata.
• (MUD) 'T î pròpia na résca!!^[8] (IT) Sei proprio un avaro!!

• piuciōś
• bési
• vìsi capitêl
• caritê
• Céśa catòlica

• Wikimedia Commons contiene file multimediali su Piuciarìa
• Wikizionario contiene la voce di dizionario «Piuciarìa»