Illuminata (film)
|
C'l artìcul chè 'l è scrit in
Miranduléś |
 Illuminata
| ||
| Illuminata | ||
 La Sarandon e John Turturro in na figùra dal film | ||
| Iluminàda 2006 | ||
|---|---|---|
| Regìa: John Turturro | ||
| Scritōr: John Turturro • Brandon Cole | ||
| Atōr: John Turturro • Katherine Borowitz • Bill Irwin Ben Gazzara • Georgina Cates • Susan Sarandon Christopher Walken • Rufus Sewell • David Cale Beverly D'Angelo • Donal McCann • Aida Turturro | ||
| Müsica: Arnold Black • William Bolcom | ||
| Léngua: Ingléś | ||
| Dürä dal film: 119 minüt | ||
| Nasiōṅ: Stat Unî • Spaggna • Giapòṅ | ||
Illuminata (Iluminàda) l'è na cumèdia rumàntica dal 1998 ad John Turturro ch'al l'à scrita insém a Brandon Cole tulénd spunt da 'n sò lavōr teatràł ciamâ Imperfect Love.
Al film 'l è stâ preśentâ a 'l 51śum Fèstival ad Cannes in du 'l regìsta 'l è stâ candidâ par vìnsar la Palma 'd Òr.
Sunt
A 'l inìsi dal Nuvsènt Tuccio (John Turturro) 'l è scritōr 'd òpri par na cumpagnìa teatràla 'd New York ch'la n s la pasa minga tant bèṅ. Pinsànd a la sò muróśa e atōra Rachel (Katherine Borowitz) 'l à scrit l'òpra „Iluminàda“ ch'al vrév la fus sarnìda p'r al spetàcul dal dè ma i pruprietàri dal téàtar, l’Astergourd (Beverly D'Angelo) e sò marè Pallenchio (Donal McCann), i sarnìs'n invéci la Cavalerìa rusticàna ad Pietro Mascagni.
Durànt al spetàcul 'l atōr prutagunìsta ch'al fà Turiddu a 'l pòst ad Dominique (Rufus Sewell), Piero (Matthew Sussman), al gh'à 'n mancamènt e 'l òpra la finìs a mità, cun Tuccio ch'al s in prufìta tacànd a dascórar a 'l pùblic da 'l palc dgénd ch'al gh'arév bèla prònta n'atra cumèdia. La gint, ch'l'à pagâ 'l bijét, la vîṅ cuntintàda e Dominique al fà la part dal marè ch'al s divìd fra la mujér (la Rachel) e l'amànta, la Simone (Georgina Cates). Al dè dòp però al crìtic fnucèṅ Umberto Bevalaqua (Christopher Walken) al dà adòs a cl'òpra lè su i giurnài salvànd sōl 'l atōr Marco (Bill Irwin), ch'l è pròpria 'n bèl óm ch'al fà la sò figùra. P'r al bèṅ dal spetàcul, e par far cambiàr idéa a 'l crìtic dimóndi influènt in c'l ambînt lè, la cumpagnìa la vrév che Marco al s “sacrifichìs” andànd a catàr Bevalaqua a cà sua.
In cal méntar l'atōra stimulìna e sénsa talènt Celimene (Susan Sarandon), preśènta a teàtar, la śibìs a Tuccio ad scrìvar dgl'òpri sōl par lē. D'atra part a Pallenchio l'òpra „Iluminàda“ la n gh piàś minga tant parchè la prutagunìsta c'n i còran la n fà minga di gèst dramàtic, ch'l è qvél ch'a dmanda 'l pùblic, e 'l vrév ch'la cumpagnìa la faśìs a 'l sò pòst la Cà 'd bàmbula 'd Henrik Ibsen.