Hepatitis A

E-Class

Hepatitis A
Buɣisim	Hepatitis A chɛ ka jaundice gbaai so
Bolibu	5757
Alaama	Tɛmplet:ICD10
Taɣibu	Tɛmplet:ICD9, Tɛmplet:ICD9
Nyeviya din yi kalinli	{{{ICDO}}}

Hepatitis A (bɛ daa mi li saha shɛli infectious hepatitis) nyɛla sabili doro din loori niriba ka di tuŋ teeri nin’ pɔbbu ni neeibu. Hepatitis A binneembihi n-tahiri li na.^[1] Doro ŋɔ nahiŋgbana bi yiri polo barinima pam ni balinte bari ŋɔ yi nyɛ bia.^[2] Bar' shɛba nahiŋgbana ŋɔ ni yɛn yi, di piinila dakula-ayi zanchaŋ dakula-ayɔbu sunsuuni doro ŋɔ yi gbahi ba naai.^[3] Dakulo dibaa ayɔpoi (7) ka nahiŋgbana ŋɔ yɛn beni. Di shɛŋa n-nyɛ: tiri-kpuɣubu, tiri, binsaa, ningbuŋ zaɣi dozim kotomsi, dirigu, and sompuɣili.^[2] Chira-ayɔbu nyaanga, nahiŋgbana ŋɔ ni lahi labina barinima kamani 10–15% puuni.^[2] Doro ŋɔ bi kuri barnima binsaba faashee ninkura ni.^[2]

Salinima ni tooi kɔbi doro ŋɔ di yi niŋ ka be nyu kom bee n-di bindiri' shɛli din gari Hepatitis A barina bini.^[2] Di zooiya ka binneembihi tooi kpe n-fri zama nyɔri ni, ka bɛ yi be duɣi ŋa viɛnyɛla ni tahi Hepatitis A na.^[4] Din pahi, Hipatistis A barinima tabisibu ni tooi che ka di looi nira.^[2] Doro ŋɔ bi wuhiri shɛhira bihi ni la zaa yoli, bɛ ni tooi zaŋ li looi nira.^[2] Doro ŋɔ yi gbaai niri yim, di ku lahi gbaai o hali ni o nyɛvuli tariga.^[5] Di yi yɛn dihi tabili ni doro ŋɔ mali nira, shee ka alaafee baŋdiba vihi o ʒim domini di shɛhira piligu ni ŋmani doriti pam la zuɣu.^[2] Hepatitis A mali mabihi, ŋanima n-nyɛ: B, C, D, ni E.

==Tilaa beni ni tooi gu nira ka che Hepatitis A doro ŋɔ.^[2][6] Bidɔɣiri shɛba beni n kpaŋsi bɛ bihi tim ŋɔ nyuhibu, bɛ tiriba limi yuma a shɛm kam hali ka bɛ ti zooi zaa. Tiŋ shɛŋa gba beni n kpaŋsiri tim ŋɔ nyubu ni doro ŋɔ ni wuligi luɣi shɛŋa ka lala niribu ŋɔ na ʒin nyuli.^[2][7] Vihigu wuhiya ni niri yi nyu li yim din tooi saɣi o ni o nyɛvuli tariga.^[2] Din beni lahi taɣiri doro ŋɔ nyɛla nuu paɣibu ni viɛnyala duɣili ni.^[2] Di yi pun gbaai niri naai, tim na kani din nyandi li viɛnyala. Amaa vuhim pam n-ti pahi tiri mini binsaa tima sɔŋdi m-mahiri li.^[2] Hepatitis A barinima pam kpaŋda ka lahima n-ti pahi sabili doro bi doli di nyaaŋa.^[2] Sabili doro mi yi doli di nyaaŋa, di tibili zaa nyami ka baŋdiba taɣi sabili maa.^[2]

Yuuni puuni Hepatitis A gbaairi niriba gari million pia^[8], ka ban mali li ka di nahiŋgbana yi polo miriti million 1.5^[2] Andunia luɣi shɛŋa din ka sabita bee ko-nyuri suŋ ka Hepatitis A tooi be.^[7] Andunia tinsi din na lɛbigiri ni, doro ŋɔ gbahiri bihi 90% ka bɛ naan yi nyɛ yuun’ pia. Bɛ yi kɔbi li kpaŋ naai, bɛ ningbina yi pan tooi tuhi nyaŋ li.^[7] Doro ŋɔ lahi be tin' shɛŋa din so n-lɛbigi biɛla domini bihi ni be kɔbiri li la n-ti pahi bɛ ni be zooi nyuri ti shɛŋa ŋan taɣiri li la.^[7] Yuuni 2010, Hepatitis A daa kula niriba 102,000.^[9] Silimiin' goli July 28 dabisili ka kpamba gahim yuuni kam n boli 28 Andunia Hepatitis Dabisili. Lala dabsili ŋɔ alaafee baŋdiba yirimina n baŋsiri zamatu zaŋkpa Hepatitis doro ni nyɛ shɛli.^[7]