Arthur Adamov

Arthur Adamov
Arthur Adamov
Ganwyd	23 Awst 1908 ; Kislovodsk
Bu farw	15 Mawrth 1970 ; o gorddos o gyffuriau ; Paris
Dinasyddiaeth	Ffrainc
Alma mater	Lycée Lakanal ;
Galwedigaeth	dramodydd, llenor, rhyddieithwr, cyfieithydd, actor, dramodydd radio
Priod	Jacqueline Autrusseau

Dramodydd Ffrengig a anwyd yn Rwsia oedd Arthur Adamov (23 Awst 1908 - 16 Mawrth 1970). Un o awduron mwyaf amlwg Theatr yr Absẃrd oedd ef.^[1]^[2]

Cefndir

Ganwyd Adamov i deulu cyfoethog o Armenia yn Kislovodsk. Pan oedd yn bedair oed, symudodd gyda'i deulu i'r Almaen. Ar ôl cwblhau ei addysg ym Mharis, ymgartrefodd yno ym 1924 a daeth yn rhan o grwpiau swrealaeth, gan olygu eu cylchgrawn Discontinuite ac ysgrifennu barddoniaeth. Ym 1938 cafodd chwalfa nerfol. Mae'r niwrosisau a oedd wedi eu plagio ers plentyndod ac a oedd i lunio'r ysbrydoliaeth fisâr ar gyfer llawer o'i ddramâu yn cael eu trin yn ei waith cyfaddefol L 'Aveu (1946).^[3]

Gwaith

Dechreuodd Adamov ysgrifennu ar gyfer y theatr ym 1947. Ceisiodd fynegi unigrwydd a diymadferthedd dyn ac oferedd unrhyw ymgais i chwilio am ystyr bywyd. Yn La Parodie, a berfformiwyd gyntaf yn y 1950au cynnar, mae'r cymeriadau canolog yn peledu ei gilydd gyda chwestiynau am amser, o flaen cefndir o gloc heb ddwylo. Mae L'Invasion (1950), La grande et la petite maneuver (1950), Tous contre sous (1953), a Le Professeur Taranne (1953) yn dehongli mewn delweddau hunllefus creulondeb a phwysau confensiynau cymdeithasol ac yn dangos dylanwad trwm Theatr Greulondeb Antonin Artaud.^[4]

Yng nghanol y 1950au trodd Adamov i arddull ddrama fwy gwleidyddol, gan ddechrau gyda'i ddrama fwyaf adnabyddus, Le Ping-Pong (1955). Mae delwedd ganolog y ddrama, peiriant pêl-pin mewn arcêd, yn symbol o'r system gyfalafol lle mae dynion yn barod i chware gêm siawns yn ddiddiwedd yn yr obaith o ennill, er bod ennill yn gwbl ddiwerth. Ar ôl Paolo Paoli (1957) daeth dramâu Adamov yn gynyddol radical: mae Le Printemps 71 (1961) am Gomiwn Paris; La Politique des restes (1963) a Off Limits (1969) yn llawn o bropaganda Marcsaidd.^[5]

Marwolaeth

Cyflawnodd Adamov hunanladdiad ym 1970. Rhoddwyd ei weddillion i orwedd ym mynwent Cimetière Parisien d'Ivry, Paris.^[6]

Teulu

Roedd ei wraig, Jacqueline Autrusseau, yn newyddiadurwr a seicdreiddydd Ffrengig, a anwyd 5 Chwefror, 1922 a bu farw Ionawr 14, 2004 yn Villejuif yn y Val-de-Marne. Hi oedd ysgrifennydd golygyddol y cylchgrawn "Institut français de psychanalyse".

Cyhoeddiadau

Hunangofiannau

L'Aveu (1946) (Y Deillion)
L'Homme et l'Enfant (1968) (Dyn a Phlentyn)
Je... ils.. (1969) (Rwy'n ... maen nhw ...)

Dramâu

Mort chaude (tua 1926) (Marwolaeth boeth)
La Parodie (1947) (Y Parodi)
L'Invasion (1949) (Yr Ymosodiad)
La Grande et la Petite Manœuvre (1950) (Y Symudiad Mawr a man)
Le Désordre (1951), (Anhrefn) drama radio
Comme nous avons été (1951) (Fel buom ni)
Le Sens de la marche (1951) (Ystyr yr orymdaith)
Tous contre tous (1952) (Pawb yn erbyn popeth)
Le Professeur Taranne (1953) (Yr Athro Taranne)
Les Retrouvailles (1953) (Dychwelyd)
Le Ping-pong (1955)
Paolo Paoli (1957)
En fiacre (1959), (Yn y cab) Drama radio
Les Âmes mortes (1960), (Yr eneidiau Meirwon) addasiad golygfaol o'r nofel gan Nicolas Gogol
Le Printemps 71 (1961) (Gwanwyn 71)
La Politique des restes (1962) (Gwleidyddiaeth yr olion)
Le Temps Vivant (1963), (Yr Amser Byw) drama radio
Finita la comedia (1964), (Diwedd Comedi) drama radio
La Sainte Europe (1965) (Ewrop Bendigaid)
M. le Modéré (1967) (Mr Cymedrol)
Off Limits (1968)
Si l'été revenait (1970) (Os daw'r haf yn ôl)

Cyfeiriadau

↑ A Dictionary of Twentieth Century Biography, gol. Asa Briggs (Rhydychen, 1993)
↑ "Arthur Adamov: Encyclopædia Britannica". Encyclopædia Britannica. Cyrchwyd 5 Medi 2018.
↑ "Absurdism". Archifwyd o'r gwreiddiol ar 2016-03-08. Cyrchwyd 5 Medi 2018.
↑ Albee, Edward, The American Dream, Coward, 1961.
↑ Oberon Books - Arthur Adamov Archifwyd 2019-07-07 yn y Peiriant Wayback Adalwyd 5 Medi 2018
↑ Banarjee, R. B., "The Theatre of the Absurd," in Literary Criterion, Vol. 7, No. 1, 1965, pp. 59-62.

[1] A Dictionary of Twentieth Century Biography, gol. Asa Briggs (Rhydychen, 1993)

[2] "Arthur Adamov: Encyclopædia Britannica". Encyclopædia Britannica. Cyrchwyd 5 Medi 2018.

[3] "Absurdism". Archifwyd o'r gwreiddiol ar 2016-03-08. Cyrchwyd 5 Medi 2018.

[4] Albee, Edward, The American Dream, Coward, 1961.

[5] Oberon Books - Arthur Adamov Archifwyd 2019-07-07 yn y Peiriant Wayback Adalwyd 5 Medi 2018

[6] Banarjee, R. B., "The Theatre of the Absurd," in Literary Criterion, Vol. 7, No. 1, 1965, pp. 59-62.

[1]

[2]

[3]

[4]

[5]

[6]