Ci Hela Dyfrgwn
 | |
| Enghraifft o'r canlynol | brîd o gi  |
|---|---|
| Gwlad | y Deyrnas Unedig |
 Ffeiliau perthnasol ar Gomin Wicimedia | |
Ci hela sy'n tarddu o Loegr yw'r Ci Hela Dyfrgwn. Cafodd ei fridio, o bosib yn y 14g yn gyntaf, i hela dyfrgwn ar draws caeau ac yn y dŵr. Mae ganddo draed gweog, sydd o fudd iddo wrth nofio. Defnyddir y Ci Hela Dyfrgwn hyd heddiw, yn amlach fel ci fferm neu anifail anwes ac yng Ngogledd America i hela racwniaid.
Mae'n edrych yn debyg i waetgi â blew gwrychog, gyda phen mawr a chlustiau llipa. Mae ganddo gôt drwchus, ddiddos, sydd yn cynnwys isflew crych a chôt uchaf o flew bras. Mae'r mwyafrif o Gŵn Hela Dyfrgwn o liw gwyn a llwyd neu lasddu, a cheir hefyd rhai sydd yn felynddu neu'n ddu a melyn. Saif tua 61 i 69 cm, ac yn pwyso rhyw 36 i 52 kg.