Medellín

Paese	Colombia
Dipartimentu	Antioquia
Superficia	382 km²
Populazione	2.700.702 (2024)[1]
Latitudine
Lungitudine	43° 12' 28 O
altitudine	≈ 1.500 m
Situ ufficiali

Medellín hè una cità di Culumbia, capitale di u dipartimentu di l'Antioquia, à u nordeste di u paese. A so populazione hè di 2.700.702 abitanti (2024). Ghjè a siconda cità più populata di Culumbia, dopu à Bogotà. Medellín hè situata in a valle di Aburrà, in a curdigliera centrale di l'Andi columbiani, à più di 1.400 metri sopra u nivellu di u mare.

A so superficia hè di 382 km².

Medellín si trova in a valle di Aburrà, in a curdigliera centrale di Culumbia. Hè dunque situata in una regione muntagnosa, à un altitudine di circa 1.500 metri sopra u nivellu di u mare. A superficia tutale di a cità hè di 382 km².

E catene muntagnose chì circundanu a valle, incù e sfarente alture, sò rispunsevuli di a furmazione di parechji microclimi, cascate d'acqua, fureste verde è diversi paisaghji umidi ricchi di biodiversità.

Per via di u clima ùmedu di a regione, i fiumi è corsi d'acqua sò numerosi. A valle di Aburrà ne pussede assai. I più famosi fiumi di a regione sò u río Cauca, u río Magdalena è u río Medellín. St'ultimu fiume attraversa a cità di u listessu nome da u Nordu à u Sudu. A so surghjente si trova in u paese di Caldas, à più di 3000 metri d'altitudine.

I principali corsi d'acqua chì attraversanu a cità sò u Doña María, l'Aguacatala, u Jabalcona, u Volcana, u Guayabala, l'Altavista, u Picacha, u Malpaso, l'Ahorcado, u Molino, u Quintana, u Rosa è u Madera.^[2]

Medellín pussede un clima subtrupicale ùmedu. Piove assai tuttu l'annu è a timperatura media hè di 22°C. A precipitazione media annuale hè di 1.752 mm. Ci sò più di 200 ghjorni di piova per annu. Medellin hè ghjeneralmente chjamata "la Ciudad de la Eterna Primavera", a cità di u veranu eternu, per via di u so clima sempri dulce è piacevule.

In u 2024, a populazione di Medellín hè di 2,62 milioni abitanti. Ci sò 1,38 milioni di donne (53%) è 1,23 milioni d'omi (47%). L'abitanti di Medellín rapprisentanu 37% di a pupulazione tutale di u dipartimentu d'Antioquia. Ghjè a cumuna più pupulata di u dipartimentu. ^[4]

1. ↑ Telecuentas - Populazione di a cità di Medellin
2. ↑ Idrograffia di u dipartimentu d'Antioquia
3. ↑ Instituto de Hidrologia Meteorología y Estudios Ambientales - Rapportu climaticu di Medellin
4. ↑ Telecuentas - Populazione di a cità di Medellin