Doja Cat

Doja Cat
Si Doja Cat niadtong Hulyo 2021
Kinatibuk-ang Kasayuran
Ngalan sa pagkatawo	Amala Ratna Zandile Dlamini
Gihimugsû	(1995-10-21) Oktubre 21, 1995 (panuígong 29) Los Angeles, California
Mátang sa musika	Pop[1] R&B[2] hip hop[3] pop rap[4]
Panginabuhi	Rapera, mag-aawit, magsusulat-og-awit
Katuigan	2014–kasamtangan
(Mga) timananan	RCA Kemosabe
(Mga) kauban	The Weeknd Ariana Grande Saweetie
Lingkit
dojacat.com
[usba sa Wikidata]

Si Amala Ratna Zandile Dlamini (natawo Oktubre 21, 1995), labing nailhan isip Doja Cat, mao ang usa ka mag-rararap ug mag-aawit gikan didto sa Tinipong Bansa. Gisugdan niya sa pagmugna'g musika ngadto sa SoundCloud sa dihang tin-edyer pa siya. Ang iyang awit nga "So High" namatikdan sa Kemosabe ug sa RCA Records, mao nga gilagdahan nila siya sa duha ka record label sa dihang pag-abot niya og panuigong 17. Gipagula niyang kinunahang album nga Purrr! niadtong 2014.

Niadtong 2018, gipagula ni Doja Cat ang iyang kinaunahang album istudyo nga Amala ug ang deluxe nga bersyon niini sa 2019. Unya ang singgol nga "Juicy" niadtong Agosto 2019, nga nakaabot kini sa kaiphan 83 sa talaan sa Billboard Hot 100, ug paglabay sa pipila ka panahon nakaabot kini sa kaiphan 45. Niadtong Nobiyembre 2019, gipagula niya ang iyang ikaduhang album nga istudyo nga Hot Pink. Pagkahuman, gipagula niya ang "Say So" isip usa ka singgol nga nakaabot sa kaiphan-usa sa Billboard Hot 100, uban ang bersyon niini kauban si Nicki Minaj niadtong Mayo 2020.

Natawo si Doja Cat (isip Amala Ratna Zandile Dlamini^[5] niadtong Oktubre 21, 1995,^[6][7]) sa usa ka kasilinganan sa Tarzana sa Los Angeles, California, ngadto sa usa ka artistikong bánay.^[1][8] Ang iyang inahan nga mao si Deborah Sawyer, usa ka Hudyo-Amerikanhong tigdesinyo sa grapiko,^[9][10] ug ang iyang amahan nga mao si Dumisani Dlamini, usa ka Habagatang Aprikanhong tigpasundayag.^[11] Giangkon ni Dumisani nga gibiyaan niya ang iyahang pamilya sa Amerika, alang makauli sa Habagatang Aprika.^{[12][13][14][15]} Human sa pagkahimugso ni Dlamini, gibalhin siya gikan sa Tarzana ngadto sa Rye, New York, diin siya mipuyo sulod sa lima ka tuig kauban ang iyahang lola [sa inahan].^[10][16]

Sa dihang walo ka tuig si Doja Cat, mibalhin siya kauban ang iyang inahan ug igsoong lalaki ngadto sa Sai Anantam Ashram, usa ka komunidad sa kabukiran sa Santa Monica.^[10] Ang iyahang iyaan, usa ka vocal coach, mihatag kang Dlamini og mga panudlo sa pag-awit aron matabangan siya sa pag-awdisyon sa iyahang tulunghaan sa Los Angeles.^[17][10][18] Kanunay siyang molaktaw sa tulunghaan aron makaapil sa mga chatroom onlayn.^[19] Sa dihang 16 ka tuig siya, miundang kadugayan siya.^[20] Aduna usab siya'y ADHD.^[10]

Nagpuyo siya sa usa ka balay sa Beverly Hills, California, nga iyang gipalit niadtong 2021 sa kantidad og $2.2 ka milyon.^[21] Naa siya sa usa ka mugbong relasyon sa Amerikanhong maghuhuni nga si Jawny hangtod sa pagbulag niadtong Pebrero 2020.^[22] Wala pa niya gipahibalo ang iyang orientasyong sekswal.^[23]

Niadtong Hunyo 2020, si Dlamini mihatag og $100,000 ngadto sa Hustisya sa Pundo alang kang Breonna Taylor, alang pag-suporta sa bánay ni Taylor.^[24] Niadtong Hulyo 24, 2020, gipadayag ni Dlamini nga positibo siya sa COVID-19.^[25] Niadtong Disyembre 12, 2021, gipadayag niya nga nagpositibo usab siya sa COVID-19 sa ikaduhang higayon, ug gikansela ang nahibilin sa iyang pagpasundayag.^[26]

Niadtong Mayo 2022, gibutyag ni Doja Cat ang bahin sa iyang pagkaadik sa nikotina sa Twitter, ug gipadayag niya nga kinahanglang operahan siya sa tonsil tungod sa pag-vaping, ug tungod niini kinahanglang kanselahon ang iyang pagpasundayag.^[27]

Pagkahuman sa pag-undang sa pag-eskwela, nag-download si Doja Cat og mga beat ug instrumento gikan sa YouTube aron makamugna og kaugalingong musika.^[28][29] Gitudloan niya ang iyahang kaugalingon nga unsaon pag-awit ug pag-rap.^[8][29][28] Sa ulahing bahin sa 2012, iyang gipaambit ang iyang awit nga "So High" ngadto sa SoundCloud. Mao kini ang kinaunahang awit nga permanente na sa iyang akawnt.^[28] Gisugdan ni Doja Cat ang iyang binuhatan sa Los Angeles ug nakigtagbo sa mga rappero aron matabangan siya sa iyang musika.^[30] Gilagdahan siya sa Kemosabe Records ug RCA Records niadtong Marso 2014.^[31]

Niadtong Agosto 2014, migula ang iyang kinunahang extended play (EP) nga Purrr!.^[32] Niadtong ulahing bahin sa 2016, nakigtambayayong si Doja Cat kang OG Maco alang sa awit nga "Monster" gikan sa Children of The Rage (2017).^[33]

Niadtong Pebrero 2018, gipagula ni Doja Cat ang awit nga "Roll with Us" pagkahuman sa usa ka mubong pahulay.^[34] Pagkasunod bulan, gipagula niya ang "Go to Town" isip nangunang singgol gikan sa iyang unang album, uban ang music video niini.^[35] Gipagula ang "Candy" isip ikaduhang singgol sa album nianang samang bulan.^[36] Pagkahuman sa usa ka "dance challenge" sa TikTok nga nahimong bayral sa ulahing bahin sa 2019, ang awit nahimong malampuson.^[37]

Niadtong Marso 30, 2018, ang unang album nga istudyo ni Doja Cat nga Amala migula pinaagi sa RCA ug Kemosabe Records, ug gilakip ang tulo ka singgol.^[38] Ang pagpagula niini wala'y mahimo,^[39][40] tungod kay wala kini panumbalinga sa mga kritiko ug napakyas sa pagbutang ngadto's tsart sa bisan unsang mga merkado.^[41][42]

Niadtong Agosto 2018, gimantala ni Doja Cat ang hinimo-sa-balay nga music video alang sa "Mooo!" nga iya-iyaha ra.^[43] Nagmalampuson ang bidyo isip usa ka mema sa internet, nga nakakuha og kapin sa tulo ka minilyong tumatan-aw sulod sa usa ka pitlaw.^[44][45][46] Tungod sa kalampusan niini, ang nag-inusarang bersyon sa "Moon!" gipagula ngadto's sa mga streaming platform sa ulahi nianang bulana isip ang nangunang singgol gikan sa edisyong deluxe sa album nga Amala.^[47] Gisundan kini sa pagpagula sa ikaduhang singgol nga "Tia Tamera" kauban si Rico Nasty, ug ang music video niini niadtong Pebrero 2019.^[48] Ang bug-os nga deluxe edition sa album nga Amala gipagula niadtong Marso 1, 2019, ug gipakita ang mga awit; "Mooo!", "Tia Tamera" ug "Juicy".^[42]

Usa ka remix nga bersyon sa awit ni Doja Cat nga "Juicy", gikan sa deluxe nga bersyon sa Amala, kauban ang Amerikanhong rappero nga si Tyga, ug gipagula kini uban ang usa ka music video niini niadtong Agosto 2019 isip nangunang singgol gikan sa iyang ikaduhang album nga istudyo.^[49] Niadtong Oktubre 2019, gipagula ni Doja Cat ang "Bottom Bitch", ang ikaduhang singgol gikan sa iyang ikaduhang album.^[50] Gisundan kini sa pagpagula sa singgol nga "Rules" dungan ang pagpahibalo sa iyahang ikaduhang album nga istudyo nga Hot Pink, nga migula kini niadtong Nobiyembre 7.^[51] Misaka ang album sa katapusan sa kaiphan-siyam sa Billboard 200.^[52] Gituyo ni Doja Cat nga ipakita ang usa ka awit nga giulohan og "Broward Coward" gikan sa unang bersyon sa ikaupatang album nga istudyo nga Bad Vibes Forever sa Amerikanhong rappero nga si XXXTentacion,^[53][54] bisan pa, ang awit sa kataposan gibasura sa dihang ang tracklist sa album mao'y gibag-ohan alang sa pagkahuman sa pagkamatay ni XXXTentacion nga pagpagula niini niadtong Disyembre 2019.^[55] Sa ulahi iyang gipagula ang singgol nga "Boss Bitch" isip kabahin sa awit alang sa sine nga Birds of Prey (2019).^[56]

Niadtong Enero 2020, ang "Say So" gipadala sa radyo aron mahimong ikaupat nga singgol sa iyahang album nga Hot Pink.^[57] Migula ang awit lakip ang album niadtong Nobiyembre 2019, apan nakabaton kini og labing lapad nga kabantog pinaagi sa TikTok.^[58] Gipasundayag niya ang awit sa The Tonight Show Starring Jimmy Fallon niadtong Pebrero 2020.^[59] Mao kini ang labing gi-stream nga awit sa tuigang 2020 gikan sa usa ka artistang babaye sa Tinipong Bansa.^[60] Niadtong Mayo 2020, human sa pagpagula sa usa ka remix sa "Say So" kauban si Nicki Minaj, ang singgol mao'y nag-una sa Billboard Hot 100.^[61]

Niadtong Marso 2020, si Doja Cat gitakdang magsugod pg Hot Pink Tour agig pag-suporta sa album, sa wala pa kini giiuswag tungod sa Pandemika COVID-19.^[62] Anaâ siya sa usa ka remix sa singgol ni The Weeknd nga "In Your Eyes|In Your Eyes" niadtong Mayo 2020,^[63] ug sa singgol nga "Shimmy" sa rappero nga si Lil Wayne gikan sa bersyong deluxe sa iyahang album nga Funeral (2020).^[64] Niadtong Hunyo, anaâ usab siya sa singgol nga "Pussy Talk" gikan sa City Girls.^[65] Gipagula niya ang music video alang sa iyang singgol nga "Like That".^[66] Gipaambit usab niya ang awit nga "Unisex Freestyle" ngadto sa SoundCloud sa ulahing bahin sa Hunyo 2020.^[67] Niadtong Hunyo 28, nominado si Doja Cat alang sa duha ka mga ganti.^[68] Niadtong Agosto 2020, ang iyang awit nga "Freak", nga dugay na sa SoundCloud sukad 2018, opisyal kini nga gipagula ngadto's sa mga streaming platform.^[69]

Nadaog ni Doja Cat ang ganto alang sa "pagka-Push Best New Artist" sa MTV Video Music Awards sa tuigang 2020, diin mikanta siya sa iyahang mga awit nga "Say So" ug "Like That".^[70][71] Pagkasunod bulan, gi-kredito siya isip nangunang artista sa usa ka remix alang sa awit sa Chloe x Halle nga "Do It" nga kauban usab sila City Girls ug Latto. Nakigtambayayong siya sa mag-aawit nga Sia sa awit nga "Del Mar" gikan sa album sa mag-aawit nga si Ozuna nga Enoc (2020).^[72][73] Niadtong Oktubre 2020, nagkigtambayayong si Doja Cat sa singgol sa Amerikanhong mag-aawit nga si Bebe Rexha nga "Baby, I'm Jealous" mao ang nangunang singgol gikan sa ikaduhang album nga istudyo ni Rexha nga Better Mistakes.^[74] Nagkigtambayayong si Doja Cat sa awit nga "Motive" gikan sa usa ka album ni Ariana Grande nga Positions.^[75]

Niadtong Enero 7, 2021, nakigtambayayong si Doja Cat sa singgol nga "Best Friend" ni Saweetie sa music video niini.^[76][77] Pagkasunod pitlaw, mipakita si Doja Cat kauban si Megan Thee Stallion sa usa ka remix sa "34+35" ni Ariana Grande.^[78] Pagkahuman sa pagpagula, ang awit nakaabot sa usa ka bag-ong kinatas-ang kaiphan-duha sa Billboard Hot 100.^[79] Sa sayong bahin sa 2021, ang kanta ni Doja nga "Streets" nahimong malampuson kaayo sa TikTok^[80] ug nisaka kini sa kaiphan-16 sa Billboard Hot 100.^[81] Nominado si Doja Cat alang sa tulo ka mga ganti sa Ika-63 nga Tinuig nga Grammy Awards.^[82]

Gipadayag ni Doja Cat ang ulohan sa iyang ikatulong album nga isudyo nga Planet Her.^[83] Niadtong Abril 10, gipagula ang awit nga "Kiss Me More" kuaban si SZA uban ang usa ka music video niini.^[84] Nakaabot ang awit sa Top 10 sa Billboard Hot 100.^[85] Ang awit nga "Need to Know" migula, dungan ang usa ka music video niini isip unang promosyonal nga singgol gikan sa Planet Her niadtong Hunyo 11, 2021.^[86][87] Opisyal nga gipahibalo ni Doja Cat ang pagpagula sa Planet Her ug gipadayag ang awit niini ug ang hulagway sa album pinaagi sa social media pipila ka takba sa wala pa ang pagpagula ang "Need to Know".^[88] Gibituonan niya isip temporaryong romantikong ganahan sa Amerikanong komedyante ug rappero nga si Lil Dicky sa ikaduhang season sa pasundayag nga Dave, nga gipasalida niadtong Hunyo 16, 2021.^[89] Niadtong Septiyembre 10, gipahibalo siya isip usa ka modelo alang sa Pepsi.^[90]

Niadtong Septiyembre 12, gipasiugdahan ni Doja Cat ang seremonya sa MTV Video Music Awards sa tuigang 2021.^[91] Nakigtambayayong si Doja Cat sa awit nga "Scoop" gikan sa kinaunahang album nga isudyo ni Lil Nas X nga Montero (2021), nga migula niadtong Setiyembre 17,^[92] ug dayon sa awit nga "Icy Hot" gikan sa ikaduhang album nga isudyo nga Punk (2021) sa Amerikanhong rappero nga si Young Thug, nga migula niadtong Oktubre 15.^[93] Nakigtambayayong si Doja Cat kauban si Saweetie sa awit ni French Montana nga "Handstand" gikan sa iyahang ikaupatang album nga isudyo nga They Got Amnesia (2021).^[94] Ang music video alang sa ikaupatang singgol sa Planet Her nga "Woman", nga migula niadtong Disyembre 3.^[95] Ang Planet Her mao usab ang ika-unomong labing namaligya nga album sa Tinipong Bansa, ug ang ikalimang pinakadaghang na-stream nga album sa tibuok kalibutan sa Spotify sa tuigang 2021.^[96]

Niadtong Pebrero 2022, gipagula ni Doja Cat ang usa ka rendisyon sa awit nga "Celebrity Skin" gikan sa band nga Hole^[97] isip kabahin sa usa ka komersyal Taco Bell diin siya ang nagbituon. Sa ulahi nianang bulana, usa ka tambayayong kang Tyga, nga giulohan og "Freaky Deaky", migula kini isip usa ka singgol.^[98] Nagtampo siya og mga awit alang sa usa ka sine nga Elvis (2022) pinaagi sa pag-awit sa "Vegas", migula niadtong Mayo 6, 2022.^[99] Atol sa usa ka livestream sa Instagram niadtong Disyembre 2021, gipadayag ni Doja Cat nga ganahan niya nga ang iyang proyekto human sa Planet Her mahimong album nga doble.^[100] Niadtong Marso 2022, mipadayon si Doja Cat sa pagpahibalo sa iyang mga kasagmuyo sa atol sa usa ka festival tour sa Habagatang Amerika. Pagkahuman sa usa ka insidente nga naglambigit sa mga magdadayeg nga taga-Paraguay, nga misunod sa usa ka bagyong nag-aghat sa pagkansela sa iyahang gikatakdang pasundayag.^[101][102]

• Amala (2018)
• Hot Pink (2019)
• Planet Her (2021)

Aduna'y mga payl ang Wikimedia Commons nga may kalabotan sa artikulong: Doja Cat.

• Opisyal nga websityo