Chañ-Mai Skragn

Ganet e voe e ti mererien e Kervinaoued an Traoñ (Kervinaouet Izelañ bremañ). Tost da drizek vloaz e oa pa voe ret dezhañ kuitaat ar skol daoust dezhañ bout ur skoliad eus ar re wellañ, evit mont da sikour gant e dud en atant.
E 1947, d'an oad a 27 vloaz, e timezas gant Louise Kras hag eñ ha distreiñ d'ar Fao. Eno e voe o chom e-pad trizek vloaz tre betek 1960 da vare « ar cheñch mod », mekanikoù nevez hag all, an dud o verniañ dle hag o labourat noz-deiz evit lakaat dle. Betek neuze e oa bet merer, met d'an oad a 40 vloaz, e 1960 end-eeun, e rankas dilezel ar vicher abalamour ma oa re start dezhañ gant seizh bugel da vagañ.
Dre-se eo aet da biker-vein, da labourat er mengleuzioù dalc'het gant e vreur a oa bet yaouank-tre da zeskiñ ar vicher kalet-se. Hennezh en devoa daou bark pe dri, lakaet deñved enno, el lec'h m'edo ar vengleuz. E-pad ugent vloaz, betek e rakleve e 1980, e voe Yann-Vari Skragn ur piker-mein. Adalek e 60 vloaz e reas war-dro deñved e vreur.

E 1986 e voe savet ur c'henstrivadeg kontadennoù e brezhoneg gant ar CMB : an ao. Skragn a lakaas e anv hag a dapas ar priz kentañ, ur veaj da Yougoslavia. Tamm-ha-tamm, diwar goulennoù an dud, ez eas da gonter, met gwall alies e veze ret dezhañ lakaat ar chontadennoù e galleg evit bezañ komprenet gant al lod brasañ eus an dud, touristed anezho dreist-holl, tud hag a zeue da Vreizh Izel da bourmen, ha c'hoant ganto da c'houzout a-zivout ar vuhez a-wechall ha penaos e veze diduet an dud da noz.

• Rimodellou 'kostez an Huelgoad, Brud Nevez, 1999, (ISBN 978-2-906373-78-5)
• Amzer ar vrezel 'kostez an Huelgoad, Brud Nevez, 2000, (ISBN 978-2-86775-194-3)^[1]
• Drôle de guerre – Occupation • Résistance, Brud Nevez, 2001, (ISBN 978-2-908463-40-8)
• Ma buhez e Kêr ar Vinaoued, Brud Nevez, 2002, (ISBN 978-2-911210-28-0) / Ma vie au Huelgoat, Brud Nevez, 2002, (ISBN 978-2-908463-43-9)
• Breman 'zo breman !, Emgleo Breiz, 2005, (ISBN 978-2-911210-49-5)

• Ar piker-mein hag an Ankoù. Kavet : 13/11/2019.
• Ar sakrist hag ar marc'hadour louzoù. Kavet : 13/11/2019.
• Diwar-benn an Eil Brezel-bed. Kavet : 13/11/2019.
• 'La Toussaint'. Kavet : 13/11/2019.

• (fr) Bibliothèque nationale de France