Mamoudzou

Mamoudzou
Mamoudzou.
Anv e shimaore	Momoju
Melestradurezh
Stad	Frañs
Rannvro	Mayotte
Departamant	Mayotte (prefeti)
Kanton	Pennlec'h tri c'hanton
Kod kumun	97611
Kod post	97600, 97605, 97680, 97650
Maer Amzer gefridi	Mohamed Majani 2014-2020
Etrekumuniezh	Communauté d'agglomération de Dembeni-Mamoudzou
Lec'hienn web	https://www.mamoudzou.yt
Poblañsouriezh
Poblañs	71 437 ann. (2017)[1]
Stankter	1 689 ann./km²
Douaroniezh
Daveennoù lec'hiañ	12°46′44″S 45°13′53″E
Uhelderioù	bihanañ 0 m — brasañ 572 m
Gorread	42,3 km²
kemmañ

Mamoudzou eo pennlec'h departamant tramor Mayotte e Meurvor Indez. Anvet Momoju e shimaore, ar rannyezh swahilek lec'hel, ez eo kumun bobletañ Mayotte. Dzaoudzi, war an enez vihan Petite Terre (pe Pamanzi), e oa ar gêr-benn gozh met dibabet e voe Mamoudzou da gêr-benn e 1977. Enni emañ an holl frammadurioù melestradurel, politikel, kenwerzhel hag artizanel kreiz. Ouzhpenn 50 000 annezad a zo bremañ o chom enni (war-dro 30 % eus poblañs hollek Mayotte).

Emañ kêr Vamoudzou war arvor biz Grande-Terre (pe Mahoré) a-dal da enez Petite-Terre (pe Pamanzi) e Kanol Mozambik, etre norzh Mozambik ha norzh Madakaskar. A-ramp war ar menez hag an arvor emañ, alese e loc'h ar c'hobiri a ya eus Grande Terre da Petite Terre.

Ouzhpenn kreiz Mamoudzou e-unan ez a seizh kêriadenn d'ober ar gumun : Cavani, Kawéni, Mtsapéré, Passamaïnty, Vahibé, Tsoundzou I ha Tsoundzou II. Ar c'hêrioù tostañ eo Dzaoudzi, Pamandzi, Koungou, Dembéni hag Ouangani.

Emañ reter ar gumun en arvor, war ribl daou ouf dispartiet gant beg Mahabo. Ur blaenenn strizh eo hag a ya d'ober un drederenn eus tiriad ar gumun war-bouez nebeud. Naou-dinaou pe meneziek eo kreiz ha kornôg Mamoudzou, gant gwezh ha gwezh all traoñiennoù ar stêrioù hag a dreuz anezhi en tu kornôg-reter. Emañ beg uhelañ ar gumun e Menez Mtsapéré en norzh (572 m).

Meur a stêr a dreuz douaroù Mamoudzou :

• Kwalé
• Gouloué
• Doujani
• Majimbini
• Kawéni la joli

Diorroet e voe Mamoudzou adal ar bloavezhioù 1860 evit eilañ ar pennlec'h Dzaoudzi. Tamm-ha-tamm e voe enframmet kêriadennoù kozh da heul ar c'hêriekadur. Lod eus ar c'hêriadennoù-se a oa anezho abaoe kantvedoù : Kaweni (XIV^vet kantved), Mtsapéré (dibenn an XVIII^vet kantved), Choa pe « pointe Mahabou », kêriadenn savet er bloavezhioù 1830 gant ar Sakalava a oa deuet a-gevret gant Andriantsoly. E Kaweni hag e Kavani e voe savet div blantadeg korz-sukr gant labouradegoù en eil hanterenn eus an XIX^vet kantved. Gallout a reer gwelet aspadennoù anezho c'hoazh.

• 
  Prefeti Mayotte.
• 
  An ti-kêr.

Prefeti Mayotte eo ar gumun. Rannet eo e tri c'hanton : Mamoudzou-1, Mamoudzou-2 ha Mamoudzou-3.

Muioc'h a restroù diwar-benn

Mamoudzou

a vo kavet e Wikimedia Commons.

• (fr) Lec'hienn ofisiel an ti-kêr
• (fr) Kumunioù Mayotte e lec'hienn an EBSSA

1. ↑ Roadennoù ofisiel e lec'hienn an EBSSA