Divuhez

Un divuhez zo ul livadur ma ne weler netra vev, netra nemet traoù divuhez. Peurvuiañ e vez livet bleunioù pe frouezh, pe boued en un asied, evned lazhed, pesked.

Er XVIvet kantved e veze anv eus « cose naturali » (traoù naturel) gant al livour Giorgio Vasari evit ober meneg eus an traoù a veze livet gant Giovanni da Udine.
En Flandrez, war-dro 1650, e veze laret stilleven evit ober anv eus frouezh, bleunioù, pesked pe meuzioù servijet, implijet gant an Alamaned (« Stilleben ») hag ar Saozon (« still-life »), a vefe « buhez difiñv » e brezhoneg.
An droienn c'hallek « nature morte » zo bet krouet en Gall en XVIII vet kantved.

Darn eus ar c'hoshañ skouerioù a zivuhezioù a oa taolennoù gant bleunioù en amzer an Azginivelezh e Flandrez. Brudet eo divuhezioù Paul Cézanne ha Vincent van Gogh.