Giulio Andreotti

den
Reizh pe jener	paotr
Bro ar geodedouriezh	Italia, Rouantelezh Italia
Anv e yezh-vamm an den	Giulio Andreotti
Anv ganedigezh	Giulio Andreotti
Anv-bihan	Giulio
Anv-familh	Andreotti
Deiziad ganedigezh	14 Gen 1919
Lec'h ganedigezh	Roma
Deiziad ar marv	6 Mae 2013
Lec'h ar marv	Roma
Abeg ar marv	acute respiratory distress syndrome
Lec'h douaridigezh	Campo Verano
Pried	Livia Andreotti
Bugel	Lamberto Andreotti, Serena Andreotti
Yezh vamm	italianeg
Yezhoù komzet pe skrivet	italianeg
Kondaonet evit	muntr
Micher	skrivagner, politiker, diplomat, kelaouaer, kazetenner
Bet war ar studi e	Skol-veur La Sapienza e Roma
Lec'h annez	Roma
Lec'h labour	Roma
Strollad politikel	Christian Democracy, Italian People's Party, European Democracy, Union of the Centre, For the Autonomies
Relijion	Katoligiezh
Lec'hienn ofisiel	https://www.giulioandreotti.org
Documentation files at	SAPA Foundation, Swiss Archive of the Performing Arts

Giuglio Andreotti (Roma, 14 a viz Genver 1919 - Roma, 6 a viz Mae 2013) a oa ur politiker italian eus ar gostezenn Democrazia Cristiana, hag a voe Kentañ Ministr Italia eus 1972 da 1973, eus 1976 da 1979 hag eus 1989 da 1992. Bez' e voe ivez ministr an Diabarzh (1954 ha 1978), ministr an Difenn (1959-1966 ha 1974) ha ministr an Aferioù Diavaez (1983-1989), hag ivez senedour e Sened Italia eus 1991 betek e varv. Kazetenner ha skrivagner e oa bet ivez, ha ren a reas ar gelaouenn gatolik 30 Giorni.

Graet e veze anezhañ Divo Giulio ("Jul an doue", diwar an droienn latin Divus Iulius a oa unan eus lesanvioù Julius Caesar), abalamour d’e lec’h bras e buhez politikel Italia en eil hanterenn an XX^vet kantved. Er politikerezh diabarzh e oa deuet-mat d’an dud a afer ha d’an Iliz katolik. War dachenn ar politikerezh estren e oa troet gant Unaniezh Europa, ha gantañ e voe gwellaet an darempred etre Italia hag ar broioù arab. Evit ar re a blije e bolitikerezh dezhañ ez eo un den a reas eus Italia ur vro diorroet hec’h ekonomiezh. Ar re a oa a-enep dezhañ avat a lavar ne reas netra a-enep breinadurezh ar gevredigezh. Ha tamallet e voe dezhañ zoken bezañ graet emglev gant torfedourien Cosa Nostra. Didamallet e voe gant ar varnerien avat.