Albus Dumbledore

Albus Dumbledore zo unan eus harozed saga Harry Potter, skrivet gant ar skrivagnerez J. K. Rowling.

Albus Perceval Wulfric Brian Dumbledore (war-dro 1845-1846 - Mezheven 1997) zo rener Skol Sorserezh ha Strobinellerezh Hogwarts abaoe ar blavezhioù 1970. A-raok e oa kelenner war an treuzfurmerezh.

Arabat eo ankouaat en desped d'e dro-spered abil hag un tamm droch, hogos bugel, e vez sellet outañ evel brasañ sorserien zo bet a-viskoazh, abalamour d'e furnez vras peurgetket, met ivez abalamour ma oa ar sorser nemetañ a oa bet gouest da ober aon da Lord Voldemort. Dont a ra an anv Albus eus ar ger latin : albus "gwenn". Evit diverrañ e amzer e plij dezhañ c'hoari ar bowling ha selaou sonerezh kambr. Ar goñfitur flamboez eo an hini a gav ar gwellañ. Ne ra ket fae war traezoù ar mudleblooded, eus ar c'hoaven sitroñs skornet betek ar c'helaouennoù brochennerezh. An den nemetañ eus e diegezh a anavezer zo e vreur, Abelforth Dumbledore, zo tavarnour e tavarn "Ar penn pemoc'h-gouez" ("ur paotr iskis" hervez Alastor Maugrey).

Dont a reas Albus Dumbledore da vezañ brudet pa drec'has ar maj Grindelwald e 1945. El levrenn gentañ e tesker en deus kenlabouret kalz gant Nikolaz Flamel, an alkimiour en deus krouet maen ar furien hag en deus dizoloet 12 perzh ar gwad aerouant. D'ar c'hentañ a viz Du 1981, Dumbledore a lezas Harry dirak dor an Dursleyed. Dumbledore hag Harry o deus darempredoù relativement complice et filiale, Fellout a ra da Zumbledore gwareziñ Harry dreist pep tra hag hemañ, diouzh e du, zo divrall en e lealded evit ar sorser bras. E saga Harry Potter, Dumbledore zo personeladur an denelouriezh vrasañ. Enkorfañ ha kelenn a ra ar galonegezh, ar vignoniezh, ar justis hag ar wirionez (en e brezegennoù e deroù pep bloavezh skol, da skouer).

Ouzhpenn bezañ rener Hogwarts, Albus Dumbledore zo ivez prezidant ar Magenmagot, lez-varn ar sorserien. Ezel eo eus Urzh ar Feniks en deus savet, e brezidant ha gward sekred an ti a ro bod dezhi. Roet eo bet dezhañ urzh Marzhin, 1añ rummad. Doktor e Sorserezh eo ivez, pennachanter ha penn bras eus Kengevredad etrebroadel ar vajed hag ar sorserien.

Gallout a reer lavaret ivez e c'haller kavout a skeudenn e-mesk poltredoù ar sorserien hag ar sorserezed brudet a gaver er raned chokolad (madigoù debret gant ar vugale sorserien).

Bet eo Albus Dumbledore o studiañ e skol Hogwarts adalek 1856, e koskoriad Gryffindor . Dont a reas da vezañ kelenner war an treuzfurmerezh eno diwezhatoc'h. Kelenn a reas an danvez-se da Dom Elvis Jedusor, ar bugel unnek vloaz e oa bet o kerc'hat en un ti-emzivaded mudblood skrijus er bloavezhioù 30, hag a zeuio da vezañ Lord Voldemort bloavezhioù goude. Pa damall Tom Elvis Jedusor ouzh Hagrid da vezañ digoret kambr ar sekredoù er bloavezhioù 40, Dumbledore a hañval bezañ an hini nemetañ a soñj ez eo digablus Hagrid. Pa oad o tanzen kas anezhañ er-maez eus ar skol e pouezas Dumbledore evit ma chomfe er skol evel gward-chase.

E 1945 e kann ar maj du Grindelwald, ar pezh a ro brud dezhañ forzh pegement. Diwezh an Eil brezel bed d'ar memes mare n'eo ket un degouezh marteze.

Nebeut amzer kent 1970 e teu Dumbledore da vezañ rener Hogwarts.

Lord Voldemort en deus c'hoant da vont da gelenner war an difenn a-enep nerzhioù an droug met nac'hañ a ra Dumbledore ar post dezhañ abalamour m'en deus ar sorser-se abegoù all evit ar c'helenn evit dont d'ar skol.

E-pad ar bloavezhioù 1970 e kresk galloud Voldemort war un dro gant ar spouron e-touez ar sorserien. Dont a ra Hogwarts da vezañ al lec'h sur nemetañ, hag enkorfañ a ra Dumbledore ar stourm a-enep ar maj du galloudus. Krouiñ a ra evit se Urzh ar Feniks evit kempouezañ nerzh an debrerien marv.

• (fr) Lec'hienn J.K. Rowling
• (fr) Lec'hienn ofisiel gallek (Warner Bros.)
• Albus Dumbledore e L'Encyclopédie Harry Potter