Ploneiz
| Ploneiz | ||
|---|---|---|
 An ti-kêr | ||
| ||
| Anv gallek (ofisiel) | Plonéis | |
| Bro istorel | Kerne - Glazig | |
| Melestradurezh | ||
| Departamant | Penn-ar-Bed | |
| Arondisamant | Arondisamant Kemper | |
| Kanton | Plogastell-Sant-Jermen (betek 2015) Kemper-1 (abaoe 2015) |
|
| Kod kumun | 29173 | |
| Kod post | 29710 | |
| Maer Amzer gefridi | Christian Coroller 2014-2020 | |
| Etrekumuniezh | Kemper Kumuniezh | |
| Bro velestradurel | Bro Gerne | |
| Lec'hienn Web | Ti-kêr | |
| Poblañsouriezh | ||
| Poblañs | 2 449 ann. (2020)[1] | |
| Stankter | 111 ann./km² | |
| Douaroniezh | ||
| Daveennoù lec'hiañ | ||
| Uhelderioù | bihanañ 27 m — brasañ 168 m | |
| Gorread | 21,99 km² | |
|
||
kemmañ  |
||
Ploneiz a zo ur gumun eus Breizh e departamant Penn-ar-Bed.
Gerdarzh
Ploneiz a teu eus ar brezhoneg « ploe » (parrez) hag eus sant-Neis(Daveoù a vank).
Istor
Ploneiz a zo ur barrez a gentañ renk, e lec’h m’eo bet staget da vare an Dispac'h Gall ha betek 1892, hollad tachenn Gourlizon. Ploneiz a seblante bezañ, gwechall, ul lodenn eus Gwengad, Penharz ha Sant-Vaho e Kemper. Ploneiz (Ploeneth) a zo bet meneget evit ar wech kentañ, e 1160, en un teul hag a ro madoù an ospitalerion eus roll Sant-Yann eus Jeruzalem. Parrez Ploneiz a oa e-barzh eskopti Kerne. Kavet eo bet an anvioù : Ploeneth (e 1160), Ploeneiz (tro 1330).
- Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Gueguant, person, ha Pernez, kure [2].
Monumantoù ha traoù heverk
- An iliz Sant-Gilles (1540).
- Ar chapel "Notre-Dame-de-la-Boissière" (XVIIvet Kantved). Nevesaet e 1813, batimant gant furm ur groaz latin, Damez Kermeno a roas e lec'hiadur d'ar 5 a viz meurzh 1695.
- Ar chapel Santez Anna (XIXvet Kantved). Savet e fin an XIX vet Kantved hervez steuñv ar chanoine Abgrall hag evit erlec'hiañ ar chapel Prataras distrujet e 1793.
- Ar chapelioù kozh hag a vank pe a zo bet distrujet hiziv an deiz evel ar chapel Sant-Guenal, ar chapel Lanhoulou, ar chapel Kerveat pe ar Sant-Maurice
- Kroaz liorzh an iliz Sant Gilles (1882).
- Kalvar Kernevez (XVIvet Kantvet).
- Kroazioù pe restajoù kroazioù : Kroaz-Thomas, Kroaz Bered Ploneiz (1912), …
- Feunteun Sant-Gilles (XVIvet Kantved).
- Feunteun Santez-Anna (1671).
- Maner Kervern (XVIIvet Kantved), perc’henn gant ar familhoù Guillemot, Kersauzon (1444-1550), Leandevez (1550-1626), Disquay ha Brieux.
- Maner Kergaben (XVIIIvet Kantved), adsavet en XIXvet Kantved. Servijet en deus eus presbital, dindan ar ren gozh.
- Maner ar Marhallac’h (XIXvet Kantved), Savet gant familh Carné, war dachenn gozh un ti aotrouniek eus an XV-XVIvet Kantved.
- 8 milin hini Quélennec, Pontyou, Keryven, Kervastal, Marallac’h, Perros, …
Douaroniezh
- Eieniñ a ra Stêr Waien e Ploneiz.
Kevredigezhioù
Radio Kerne
Radio Kerne ur zo radio kevredigezhel brezhonek. E Ploneiz emañ, tre e-kichenn Kemper. Skignet he deus evit ar wech kentañ e 1998 ha bremañ gant e dri frekañs ez a da skignañ war ul lodenn vad eus departamant Penn ar Bed. 5 den a zo implijet gant ar gevredigezh. Krouet eo bet Radio Kerne da heul kinnigoù Kuzul Sevenadurel Breizh a-fed ar radio. E bal, en tu all da skignañ war Kerne a oa, hag a chom atav, reiñ da glevet dar re a faot dezho abadennoù brezhoneg pa garont e Kerne & e lec'h all. Ar pal-se a zo stag eus ar soñj kenlabourat gant ar radioioù brezhoneg all. Kinnig a reomp 60 eurvezh abadennoù e brezhoneg bep sizhun, evit ar re vras hag ar re vihan. Ur program liesseurt, gant keleier, reportajoù, kronikoù, abadennoù farsus, h.a. Ul lodenn vras eus an abadennoù-se a vez eskemmet pe kenproduet gant ar radioioù brezhonek all (Arvrorig FM, Radio Kreiz Breizh, Radio Bro Gwened). Brudet eo e brogram sonerezh a lak war wel arzourien ar vro hag a chom digor war ar bed a-bezh war an dro.
ULAMIR e Bro Glazik
Unvaniezh lec’hel an animasionoù war ar maez e bro glazik a zo bet krouet an 20 a viz kerzu 1982. Agreamant eo d’ur greizenn sokial gant ar C’haf, Skoazellet eo gant kalzig a kevelerien : kumuniezh Kemper, kuzul jeneral, kuzul rannvroel, yaouankiz ha sportoù, Stad, … Abaoe 1996 eman ar c’hevredigezh a chom ba Ploneiz. Rennet eo gant un c’huzul melestradurel savet gant 35 ezel, etrezo 9 den eus ar vurev. Implijet e vez 34 den. Labouraat a ra war 5 kumun : Ploneiz, Gwengad, Pluguen, Plogoneg ha Ploveilh. Lec’hiet tro-dro da Gemper. Ezel emañ ouzh an Ubapar hag ouzh an FNFR. He falioù pennañ: Sikour ar c’hevredigezhioù lec ‘hel en o labour animatour . Studiañ an ezhommoù en tachenn sokial-kelenn ha kelaouiñ ar servijoù publik savideigezhioù karet. Aozañ hag animañ an oberennoù sokial-kelenn 725 den ha 80 kevredigezh a zo ezel outi. Muioc’h eget 3450 den o deus heuliet unan pe meur eus an oberennoù-se.
Emdroadur ar boblañs 1962-2011
Niver a annezidi
Melestradurezh
Tud
Gevelliñ
Gevellet eo Ploneiz gant Jovençan (Italia) abaoe 2002. Savet e vez devezhioù krampouezh pe c'hoazh ul loto bep bloaz a-benn kaout arc'hant evit kas ar vugale skoliataet d'ober ur veaj-skol du-hont. Dont a ra bep bloaz ur skipailh eus Jovençan da c'hoari evit ar "mondial-pupille".
| Bro | Kêr | Abaoe |
|---|---|---|
 Traoñienn Aosta
|
Jovençan | 2002 |
Liammoù diavaez
Notennoù ha daveoù
- ↑ Roadennoù ofisiel e lec'hienn an EBSSA
- ↑ Kristof Jezegoù, Hor Bro e-pad ar Revolusion, Ti-moullañ Ar Bobl, Karaez, 1915, pajenn 49