Lanting
Lanting (Rakit) adalah susunan benda maapung nang leper gasan perjalanan di atas banyu; dan merupakan rancangan parahu paling dasar, nang cirinya kada baisi lambung (baruangan). Sebagai gantinya, lanting dijaga tatap maapung menggunakan gabungan bahan hampul nangkaya kayu, tong batutup, maupun ruang banyu dipompa. Lanting tradisional atawa primitif diulah matan kayu atawa paring. Lanting modern gin menggunakan ponton, drum, atawa balok polistirena. lanting pompaan menggunakan susunan balapis-lapis nang labih elastis dan tahan lawas. Bagantung awan panggunaan dan ukurannya, lanting kawa jua baisi kajang/hatap, tihang, wan jua kumidi.
Lanting kayu digunaakan ulih industri logging gasan pangiriman batangan kayu, lawan cara maikatakannya ka lanting, dan manuyuk atawa mambataknya di bawah sungai, nang umum bangat sampay panangahan abad ka-20, tagal wayahini sudah jarang digunaakan.
Jenis-macam lanting nang digunaakan gasan wisata balanting parak samunyaannya parahu pompaan, diulah matan bahan-bahan nang fleksibel gasan digunaakan di gerojokan.