Pondamèn (tèhnik)
Pondamèn[1] (hurup Arab Gundul: فوندامن) atawa umpak[1] (hurup Arab Gundul: اومفق) entu bagèan paling bawa deri gedong. Gedong butuh pondamèn nyang stèrek biar bisa pepes nyagak. Gedong nyang lebi berat atawa tana nyang lebi lembèk butu pondamèn nyang lebi daleman.
Bakal ngeja pondamèn, tukang insinyur kudu nggali liang di tana entuk nyampé tana nyang lepeg. Pas itu liang udah pas, itu liang diisi ama matrial nyang stèrek èn parku. Kadang diisinya paké beton. Beton kena dikeja mingkin stèrek dengen naro rangka wajanya ke itu liang. Pas itu beton udah kering, itu waja pada nyangkol, jadinya kuat itu pondamèn. Nyang begini kita gero 'beton betulang'. Macan itu pondamèn udah kuat atawa ngering, pengejaan gedong baru bisa ngeharkat.